બીસીસીઆઈ: અંડર-૧૯ વર્લ્ડ કપ વિજેતા ટીમને કરોડ રૂપિયાનું રોકડ ઇનામ

ભારતે ઇંગ્લેન્ડ સામે જીત મેળવીને અંડર-૧૯ વર્લ્ડ કપનો ખિતાબ જીત્યો. ભારતીય ક્રિકેટ કંટ્રોલ બોર્ડ (BCCI) એ વર્લ્ડ કપ વિજેતા ટીમ, ટેકનિકલ સ્ટાફ અને પસંદગી સમિતિ માટે કુલ ₹૭.૫ કરોડના રોકડ પુરસ્કારની જાહેરાત કરી છે.

BCCI સચિવ દેવજીત સૈકિયાએ શનિવારે IANS ને જણાવ્યું હતું કે, “ઝિમ્બાબ્વે અને નામિબિયામાં અંડર-19 મેન્સ ક્રિકેટ વર્લ્ડ કપ જીતનાર ભારતીય ટીમને 7.5 કરોડ રૂપિયાનું રોકડ ઇનામ આપવામાં આવશે. અમે ખેલાડીઓ, ટેકનિકલ સ્ટાફ અને પસંદગી સમિતિ માટે ઇનામ રકમના વિતરણ પર કામ કરી રહ્યા છીએ, પરંતુ BCCI દ્વારા તેમને કુલ 7.5 કરોડ રૂપિયા આપવામાં આવશે.”

હરારે સ્પોર્ટ્સ ક્લબ ખાતે રમાયેલી ફાઇનલ મેચમાં, વૈભવ સૂર્યવંશીની તોફાની ઇનિંગની મદદથી ભારતે 9 વિકેટ ગુમાવીને 411 રન બનાવ્યા. સૂર્યવંશીએ 80 બોલમાં 15 ચોગ્ગા અને એટલા જ છગ્ગાની મદદથી 175 રન બનાવ્યા, જ્યારે કેપ્ટન આયુષ મ્હાત્રેએ 51 બોલમાં 53 રન ઉમેર્યા.