ICC ક્રિકેટ વર્લ્ડ કપ 2023નું શેડ્યૂલ જાહેર કરવામાં આવ્યું છે. આ મોટી ટુર્નામેન્ટ 5 ઓક્ટોબરથી શરૂ થશે. પ્રથમ મેચ ડિફેન્ડિંગ ચેમ્પિયન ઈંગ્લેન્ડ અને ન્યુઝીલેન્ડ વચ્ચે રમાશે.
બીજી તરફ 19 નવેમ્બરે વર્લ્ડ કપની ફાઇનલ મેચ અમદાવાદના નરેન્દ્ર મોદી સ્ટેડિયમમાં રમાશે. આ વખતે કુલ 48 મેચો રમાવાની છે અને આ મેચો 10 મેદાનો પર રમાશે. આ સાથે જ દિનેશ કાર્તિકે વર્લ્ડ કપને લઈને મોટી ભવિષ્યવાણી કરી છે. કાર્તિકે આ વખતે સેમીફાઈનલમાં પહોંચનારી ચાર ટીમોના નામ આપ્યા છે.
વર્લ્ડ કપ શરૂ થવામાં હાલમાં 3 મહિનાથી વધુનો સમય બાકી છે, પરંતુ તે પહેલા ભારતીય બેટ્સમેન દિનેશ કાર્તિકે મોટી ભવિષ્યવાણી કરી છે. તેણે કહ્યું કે આ વખતે વર્લ્ડ કપમાં ભારત, ઓસ્ટ્રેલિયા, ઈંગ્લેન્ડ અને પાકિસ્તાન વચ્ચે જોરદાર ટક્કર થશે. ઇંગ્લેન્ડે છેલ્લો ODI વર્લ્ડ કપ કબજે કર્યો હતો. ટીમે ફાઈનલની સુપર ઓવરમાં ન્યુઝીલેન્ડને હરાવ્યું હતું. આ વખતે પણ ઈંગ્લેન્ડ ખિતાબની દાવેદાર છે.
કાર્તિકના મતે ભારત, ઓસ્ટ્રેલિયા અને ઈંગ્લેન્ડની ટીમો સેમીફાઈનલમાં પહોંચી શકે છે. તેની સાથે પાકિસ્તાન અથવા દક્ષિણ આફ્રિકા પણ આ યાદીમાં સામેલ થઈ શકે છે.