ઓસ્ટ્રેલિયા સામે વનડે માટે ઈંગ્લેન્ડે આ બે દિગ્ગજ ખેલાડીઓને આપી જગ્યા

ઈંગ્લેન્ડે આગામી મહિને ઓસ્ટ્રેલિયા સામેની વનડે શ્રેણી માટે બે દિગ્ગજ ખેલાડીઓને પરત લાવ્યાં છે. ટીમે જેમ્સ વિન્સ અને સેમ બિલિંગ્સને ટીમમાં સામેલ કર્યા છે.

ઇંગ્લેન્ડ ક્રિકેટ બોર્ડ (ECB) એ મંગળવારે આ જાણકારી આપી. વિન્સ અને બિલિંગ્સ જુલાઈ 2021 થી ODI ક્રિકેટ રમ્યા નથી. વિન્સે તેની છેલ્લી વનડેમાં પાકિસ્તાન સામે સદી ફટકારીને ઈંગ્લેન્ડને જીત અપાવી હતી.

બિલિંગ્સે બહાર થયા પહેલા આઠ વનડેમાં 56ની સરેરાશથી 448 રન બનાવ્યા હતા. ECBએ કહ્યું કે ખરાબ ફોર્મના કારણે T20 ટીમમાંથી બહાર રહેલા જેસન રોયને પણ ઓસ્ટ્રેલિયાની ODI સિરીઝમાં તક આપવામાં આવી છે. લ્યુક વૂડને તેની પ્રથમ વનડે શ્રેણી માટે ટીમમાં સામેલ કરવામાં આવ્યો છે, જ્યારે ડેવિડ મલાન ઘરઆંગણે વનડે શ્રેણીમાંથી બહાર થયા બાદ ટીમમાં પાછો ફર્યો છે.

આ શ્રેણી વર્લ્ડ કપ સુપર લીગનો ભાગ નથી, જો કે તે ભારતમાં આવતા વર્ષે યોજાનાર વર્લ્ડ કપ પહેલા ઈંગ્લેન્ડને ખેલાડીઓની કસોટી કરવાની તક આપશે. શ્રેણીની પ્રથમ મેચ એડિલેડમાં 17 નવેમ્બરે રમાશે, જ્યારે અન્ય બે મેચ અનુક્રમે 19 નવેમ્બર (સિડની) અને 22 નવેમ્બર (મેલબોર્ન)માં રમાશે.