ભૂતપૂર્વ ઓપનર ગૌતમ ગંભીરે કહ્યું છે કે ભારતે વર્તમાન ફોર્મ અને રમતમાં બદલાતી અસરના આધારે વર્લ્ડ કપ માટે ટીમની પસંદગી કરવી જોઈએ અને ચોક્કસ સ્થાન માટે કોઈ પણ “મજબૂત દાવેદાર” ને પ્રાધાન્ય આપવું જોઈએ નહીં.
5 ઓક્ટોબરથી શરૂ થઈ રહેલા ODI વર્લ્ડ કપ પહેલા ભારત શ્રીલંકામાં એશિયા કપ અને ત્યારબાદ ઓસ્ટ્રેલિયા સામે ઘરઆંગણે ત્રણ મેચોની સિરીઝ રમશે.
આગામી એશિયા કપ માટે ભારતીય ટીમ વિશે વાત કરતા ગંભીરે ‘સ્ટાર સ્પોર્ટ્સ’ને કહ્યું, “જ્યારે તમે વર્લ્ડ કપ જીતવાનો પ્રયાસ કરો છો ત્યારે એક વાત સ્પષ્ટ છે, કોઈપણ સ્થાન માટે કોઈ મજબૂત દાવેદાર નથી.”
ઈજામાંથી સાજા થઈને, લોકેશ રાહુલ અને શ્રેયસ ઐયરને પણ એશિયા કપ માટેની 17-સભ્ય ટીમમાં સામેલ કરવામાં આવ્યા છે, જ્યારે યુવા ડાબોડી બેટ્સમેન તિલક વર્મા પણ ટીમનો ભાગ છે, જે તેના ODI ડેબ્યૂની રાહ જોઈ રહ્યો છે.
ભારતીય પસંદગીકારોએ ફરી એકવાર સૂર્યકુમાર યાદવ પર વિશ્વાસ વ્યક્ત કર્યો છે જેઓ અત્યાર સુધી વનડેમાં અસર કરવામાં નિષ્ફળ રહ્યા છે. રાહુલ બાદ બીજા વિકેટ કીપર તરીકે ઈશાન કિશનની પસંદગી કરવામાં આવી છે.
ગંભીરે કહ્યું, “જેમ (ભારતીય ટીમના સુકાની) રોહિત શર્માએ કહ્યું હતું કે, કોઈપણ ખેલાડીના સ્થાનની કોઈ ગેરંટી નથી.”
તેણે કહ્યું, “શ્રેયસ ઐય્યર અને લોકેશ રાહુલને ઈજા બાદ પાછા આવવું સારું છે, પરંતુ જો તેમને ઈલેવનમાં સ્થાન મેળવવું હશે તો તેઓએ પ્રદર્શન કરવું પડશે.”
આ પૂર્વ ક્રિકેટરે કહ્યું, “જો તિલક વર્મા કોઈના કરતા સારા ફોર્મમાં છે. જો સૂર્યકુમાર યાદવ શ્રેયસ, અય્યર કે લોકેશ રાહુલ કે ઈશાન કિશન કરતાં સારા ફોર્મમાં હોય તો તમારે તેને તક આપવી જોઈએ.
ગંભીરે પણ સૂર્યકુમારને લાંબો સમય આપવાના નિર્ણયની પ્રશંસા કરી હતી. પ્લેઈંગ ઈલેવનમાં ત્રણ ડાબા હાથના બેટ્સમેનોના સમાવેશ અંગેની ચર્ચા પર ગંભીરે કહ્યું કે ફોર્મમાં રહેલા ખેલાડીઓને તક મળવી જોઈએ.