અફઘાનિસ્તાન કતારમાં નેધરલેન્ડની યજમાની કરશે, જાન્યુઆરીમાં વનડે શ્રેણી રમાશે

અફઘાનિસ્તાન આવતા વર્ષે જાન્યુઆરીમાં ત્રણ વન-ડે ઈન્ટરનેશનલની શ્રેણી માટે કતારની રાજધાની દોહામાં નેધરલેન્ડની યજમાની કરશે. અફઘાનિસ્તાન ક્રિકેટ બોર્ડ (ACB) એ એક નિવેદનમાં જણાવ્યું હતું કે, “ત્રણ મેચની ODI શ્રેણી 21 જાન્યુઆરીથી શરૂ થશે, જેમાં બીજી અને ત્રીજી મેચ અનુક્રમે 23 અને 25 જાન્યુઆરીએ રમાશે.

ત્રણેય મેચો કતારના દોહામાં એશિયન ટાઉન ક્રિકેટ સ્ટેડિયમમાં આયોજિત કરવામાં આવશે. અફઘાનિસ્તાને આ વર્ષે જાન્યુઆરીમાં વન-ડે સુપર લીગ હેઠળની તેમની પ્રથમ શ્રેણીમાં આયર્લેન્ડને 3-0થી હરાવીને 30 પોઈન્ટ બનાવ્યા હતા. ODI સુપર લીગમાં પ્રદર્શનના આધારે ટીમ વર્લ્ડ કપ 2023 માટે ક્વોલિફાય થશે. નેધરલેન્ડ સામેની શ્રેણી બાદ અફઘાનિસ્તાન જાન્યુઆરી અને ફેબ્રુઆરીમાં ઝિમ્બાબ્વે સામે રમશે.

અફઘાનિસ્તાન ICC ક્રિકેટ વર્લ્ડ કપ સુપર લીગ હેઠળ 2023 સુધી ઓસ્ટ્રેલિયા અને પાકિસ્તાનની યજમાની કરશે અને ત્યારબાદ ભારત, બાંગ્લાદેશ અને શ્રીલંકાનો પ્રવાસ કરશે.