ભારતને 50 ઓવરના ક્રિકેટ વર્લ્ડ કપ -2023 માં સીધા પ્રવેશ આપવામાં આવશે…
ભારત સામે ત્રણ મેચની વનડે સિરીઝ 2-1થી જીત્યા બાદ ઓસ્ટ્રેલિયા આઈસીસી મેન્સ ક્રિકેટ વર્લ્ડ કપ સુપર લીગ ટેબલમાં પ્રથમ સ્થાને પહોંચી ગયું છે, જ્યારે ભારત છઠ્ઠા ક્રમે છે. ભારતે ઓસ્ટ્રેલિયા અને ઇંગ્લેન્ડ કરતાં ત્રણ મેચ ઓછી રમ્યું છે.
શ્રેણીની પ્રથમ બે મેચ જીત્યા બાદ ઓસ્ટ્રેલિયાએ વનડે સિરીઝ જીતી હતી અને હવે તે નેટ રન રેટ વત્તા 0.357 સાથે ટોચ પર પહોંચી ગઈ છે. -0.717 નેટ રન રેટ સાથે ભારત છઠ્ઠા ક્રમે છે.
આ પહેલા ઓસ્ટ્રેલિયાએ ઇંગ્લેન્ડ સામેની પહેલાની શ્રેણી 2-1થી જીતી હતી. વનડે ક્રિકેટને રોમાંચક બનાવવા માટે આ વર્ષે 13 ટીમોની આ ચેમ્પિયનશીપની શરૂઆત કરવામાં આવી હતી. સામેલ ટોચની સાત ટીમો 2023 વર્લ્ડ કપમાં સીધી પ્રવેશ મેળવશે. યજમાન હોવાને કારણે ભારતને 50 ઓવરના ક્રિકેટ વર્લ્ડ કપ -2023 માં સીધા પ્રવેશ આપવામાં આવશે.