રિષભ પંતે દક્ષિણ આફ્રિકા સામેની બીજી વનડેમાં પોતાની ODI કારકિર્દીની સર્વશ્રેષ્ઠ ઇનિંગ રમી હતી. આ ઈનિંગ પહેલા ઋષભ પંતનો વનડેમાં સર્વશ્રેષ્ઠ સ્કોર 78 રન હતો અને હવે તેણે તેને પાર કરી લીધો છે.
એટલું જ નહીં વિદેશી ધરતી પર ODI ક્રિકેટમાં ઋષભ પંતની આ પ્રથમ અડધી સદી હતી. તે જ સમયે, આ ઇનિંગ સાથે, ઋષભ પંતે રાહુલ દ્રવિડનો મોટો રેકોર્ડ પણ તોડી નાખ્યો.
આ મેચમાં ઋષભ પંત ચોથા નંબરે બેટિંગ કરવા આવ્યો હતો અને કેપ્ટન કેએલ રાહુલ સાથે મળીને ભારતીય દાવને શાનદાર રીતે સંભાળ્યો હતો કારણ કે શિખર ધવન અને વિરાટ કોહલી તે પહેલા જ સતત આઉટ થયા હતા. પંતે રાહુલ સાથે ત્રીજી વિકેટ માટે 115 રનની સદીની ભાગીદારી કરી હતી. રિષભ પંતે આ મેચમાં 71 બોલનો સામનો કર્યો અને 2 સિક્સ અને 10 ફોરની મદદથી 85 રન બનાવ્યા. વિરાટ કોહલી આ મેચમાં ખાતું પણ ખોલી શક્યો ન હતો અને શૂન્ય પર આઉટ થઈને પેવેલિયન પરત ફર્યો હતો.
તેની ઇનિંગ્સ પછી, પંત દક્ષિણ આફ્રિકામાં ODI ક્રિકેટમાં ભારતીય વિકેટ-કીપર તરીકે સૌથી મોટી ઇનિંગ્સ રમનાર બેટ્સમેન પણ બન્યો. તેણે રાહુલ દ્રવિડનો રેકોર્ડ તોડ્યો, જેણે 2001માં ડરબનમાં ODIમાં ભારતીય વિકેટકીપર તરીકે 77 રન બનાવ્યા હતા. હવે પંતે 85 રનની ઇનિંગ રમીને તેમને પાછળ છોડી દીધા. મહેન્દ્ર સિંહ ધોની આ મામલામાં ત્રીજા નંબર પર છે, જેણે 2013માં જોહાનિસબર્ગમાં 65 રન બનાવ્યા હતા.
દક્ષિણ આફ્રિકામાં વનડેમાં સૌથી મોટી ઇનિંગ્સ રમનાર ભારતીય વિકેટકીપર-
85 રન – રિષભ પંત વિરુદ્ધ એસએ પાર્લ 2022
77 રન – રાહુલ દ્રવિડ વિરુદ્ધ એસએ ડરબન 2001
65 રન – એમએસ ધોની વિરુદ્ધ એસએ જોબર્ગ 2013
62 રન – રાહુલ દ્રવિડ વિરુદ્ધ એન્જી ડરબન 2003