૨૦૧૧ ની વર્લ્ડ કપ મેચમાં ભારતે પ્રથમ બેટિંગ કરતા નવ વિકેટે 260 રન બનાવ્યા હતા..
પાકિસ્તાનના ભૂતપૂર્વ કેપ્ટન શાહિદ આફ્રિદીએ વર્લ્ડ કપ ૨૦૧૧ ની સેમિફાઇનલમાં ભારત તરફથી મળેલી હાર માટે મિસ્બાહ-ઉલ-હકને જવાબદાર ઠેરવ્યો છે. જોકે શાહિદ આફ્રિદી તે મેચમાં વધારે પ્રદર્શન કરી શક્યો ન હતો, પરંતુ તેણે હાર માટે મિસબાહ-ઉલ-હકને જવાબદાર ઠેરવ્યો છે.
મિસબાહ-ઉલ-હક હાલમાં પાકિસ્તાનની ટીમના મુખ્ય પસંદગીકારની જવાબદારી નિભાવી રહ્યા છે. વર્ષ ૨૦૧૧ ના વર્લ્ડ કપના સેમિફાઇનલમાં ભારતની હાર માટે જવાબદાર ઠેરવતા આફ્રિદીએ કહી તે મેચમાં મિસબાહ-ઉલ-હકની ધીમી ઇનિંગને કારણે હાર્યા હતા.
અરબ ન્યૂઝના અહેવાલ મુજબ, શાહિદ આફ્રિદીના નેતૃત્વ હેઠળના પાકિસ્તાને મોહાલીના પંજાબ ક્રિકેટ એસોસિએશનના મેદાનમાં રમાયેલા વર્લ્ડ કપના 2011 ની સેમિફાઇનલમાં ભારતની હાથે 29 રનથી હારનો સામનો કરવો પડ્યો હતો. તે મેચમાં બેટ્સમેન યુનુસ ખાને 32 બોલમાં 13 રન બનાવ્યા, મિસબાહ-ઉલ-હકે 76 બોલમાં 56 રન બનાવ્યા. શાહિદ આફ્રિદી ખુદ વધારે કમાલ કરી શક્યો નહીં, તે 17 બોલમાં 19 રન બનાવીને આઉટ થયો હતો.
વર્લ્ડ કપ ૨૦૧૧ ની વર્લ્ડ કપ મેચમાં ભારતે પ્રથમ બેટિંગ કરતા નવ વિકેટે 260 રન બનાવ્યા હતા અને ત્યારબાદ પાકિસ્તાનને 49.5 ઓવરમાં 231 રનમાં આઉટ કરી દીધું હતું.
આફ્રિદીએ એક મુલાકાતમાં કહ્યું હતું કે ઘણા લોકો આ વિશે વાત કરે છે કે મિસબાહ ઉલ હકે ધીમી ઇનિંગ્સ રમી છે. પહેલી વાત એ છે કે તે મિસ્બાહનો સ્વભાવ છે, તે તેની રમત છે. તેઓ સેટ થવા માટે ઘણો સમય લે છે. તે રમતને અંત સુધી લઈ જવાનો પ્રયાસ કરે છે, પરંતુ તેણે સ્કોરબોર્ડને ચાલુ રાખવાની પણ જરૂર હતી.