ભારતીય ક્રિકેટ કંટ્રોલ બોર્ડ (BCCI) એ શ્રીલંકા સામે રમાનારી ODI અને T20 શ્રેણી માટે ભારતીય ટીમની જાહેરાત કરી છે. આ સાથે બીસીસીઆઈએ ટીમમાં મોટા ફેરફારના સંકેત આપ્યા છે.
ચેતન શર્માની આગેવાની હેઠળની વરિષ્ઠ પસંદગી સમિતિએ આ બંને ટીમોની પસંદગી કરતી વખતે મોટા નિર્ણયો લીધા છે. તેમાંથી એક ઓપનર શિખર ધવનને બાકાત રાખવાનો છે. ધવન તાજેતરમાં બાંગ્લાદેશ પ્રવાસ પર ટીમ ઈન્ડિયાનો ભાગ હતો, પરંતુ શ્રીલંકા સામેની ODI શ્રેણી માટે ટીમમાં તેની પસંદગી કરવામાં આવી નથી.
ધવન એવો ખેલાડી હતો જે છેલ્લા કેટલાક મહિનામાં સતત ODI ટીમની કેપ્ટનશિપ કરતો જોવા મળ્યો હતો. જ્યારે રોહિત, કેએલ રાહુલ ODI ટીમમાં ન હતા ત્યારે ધવનને ટીમનો કેપ્ટન બનાવવામાં આવ્યો હતો. તેને વેસ્ટ ઈન્ડિઝ, દક્ષિણ આફ્રિકા અને ન્યુઝીલેન્ડ સામેની ODI ટીમના કેપ્ટન તરીકે નિયુક્ત કરવામાં આવ્યો હતો.
તેણે ટીમની સારી કેપ્ટનશીપ કરી. જ્યારે તેનું પ્રદર્શન જોવામાં આવે તો, ધવન 2022માં ભારત માટે વનડેમાં સૌથી વધુ રન બનાવનારા બેટ્સમેનોની યાદીમાં બીજા નંબરે છે. ધવને આ વર્ષે 22 મેચમાં 688 રન બનાવ્યા છે. હવે સવાલ એ છે કે આટલા પ્રદર્શન પછી પણ ધવનને વનડે ટીમમાંથી કેમ બહાર કરવામાં આવ્યો. ભારતને આ વર્ષે વનડે વર્લ્ડ કપ રમવાનો છે અને આવી સ્થિતિમાં રોહિત સાથે ધવનની અનુભવી ઓપનિંગ જોડી ટીમ માટે ઘણી ફાયદાકારક સાબિત થઈ શકે છે. પરંતુ શું પસંદગીકારોની નજર વર્લ્ડ કપની રેસમાં ધવન પર છે?
જૂના મીડિયા રિપોર્ટ્સ પર નજર કરીએ તો BCCI એ સ્પષ્ટ સંકેત આપ્યો હતો કે તે ભવિષ્યને ધ્યાનમાં રાખીને નિર્ણય લેશે. આવી સ્થિતિમાં ધવન કદાચ એ લાઇનમાં નહીં હોય. ધવને ભલે રન બનાવ્યા હોય પરંતુ તેની ઓછી સ્ટ્રાઈક રેટ તેના રસ્તામાં આવી શકે છે અને તેથી જ તેને ટીમમાંથી હંમેશ માટે બહાર કરી શકાય છે.