મોહમ્મદ શમીને પહેલીવાર ODI વર્લ્ડ કપ 2023માં રમવાની તક મળી. કેપ્ટન રોહિત શર્માએ તેને શાર્દુલ ઠાકુરની જગ્યાએ પ્લેઈંગ ઈલેવનમાં સામેલ કર્યો હતો. શમી વર્તમાન વર્લ્ડ કપમાં પોતાની પ્રથમ મેચ રમવા આવ્યો હતો અને તેણે શાનદાર બોલિંગ કરી હતી.
ન્યૂઝીલેન્ડ સામેની છેલ્લી 10 ઓવરમાં તે ખૂબ જ અસરકારક સાબિત થયો હતો. પોતાની શાનદાર બોલિંગથી તેણે એવી સિદ્ધિ હાંસલ કરી છે જે આજ પહેલા ODI વર્લ્ડ કપમાં કોઈ ભારતીય બોલર કરી શક્યો નથી.
ન્યુઝીલેન્ડ સામેની મેચમાં મોહમ્મદ શમીએ 10 ઓવરમાં 54 રન આપીને 5 વિકેટ લીધી હતી. શમીની શાનદાર બોલિંગના કારણે જ ન્યૂઝીલેન્ડની ટીમ છેલ્લી 10 ઓવરમાં મોટો સ્કોર બનાવી શકી ન હતી. તેણે ODI વર્લ્ડ કપમાં બીજી વખત પાંચ વિકેટ ઝડપી છે. તે ODI વર્લ્ડ કપમાં બે વખત પાંચ વિકેટ લેનાર પ્રથમ ભારતીય બોલર છે. આ પહેલા તેણે ODI વર્લ્ડ કપ 2019માં ઈંગ્લેન્ડ સામે પાંચ વિકેટ ઝડપી હતી. વર્લ્ડ કપમાં પાંચ વિકેટ લેનારો તે છઠ્ઠો ભારતીય બોલર છે.
ODI વર્લ્ડ કપમાં સૌથી વધુ પાંચ વિકેટ ઝડપનાર ભારતીય બોલરો:
2 વખત- મોહમ્મદ શમી
1 વખત- કપિલ દેવ
1 વખત- વેંકટેશ પ્રસાદ
1 વખત- રોબિન સિંઘ
1 વખત- આશિષ નેહરા
1 વખત- યુવરાજ સિંહ
મોહમ્મદ શમીની ગણતરી ભારતના શ્રેષ્ઠ બોલરોમાં થાય છે. તેણે ટીમ ઈન્ડિયા માટે ઘણી મેચો પોતાના દમ પર જીતી છે. તેણે ODI વર્લ્ડ કપની 12 મેચમાં 36 વિકેટ લીધી છે. વર્લ્ડ કપમાં તેની એવરેજ 15.02 રહી છે. ODI વર્લ્ડ કપમાં ભારત માટે સૌથી વધુ વિકેટ લેવાના મામલે તે ત્રીજા સ્થાને છે.
Mohammad Shami becomes the first Indian to claim two five-wicket hauls in a ODI World Cup. pic.twitter.com/ifp8qNGJgX
— CricTracker (@Cricketracker) October 22, 2023