ભારત અને ઓસ્ટ્રેલિયા વચ્ચેની ત્રણ મેચની ODI શ્રેણીની બીજી મેચ 24 સપ્ટેમ્બરના રોજ હોલકર ક્રિકેટ સ્ટેડિયમ, ઈન્દોરમાં રમાઈ હતી. આ મેચમાં શુભમન ગિલ અને શ્રેયસ ઐયરની સદી અને સૂર્યકુમાર યાદવની વિસ્ફોટક ઇનિંગની મદદથી ભારતે ઓસ્ટ્રેલિયા સામે પાંચ વિકેટે 399 રનનો રેકોર્ડ સ્કોર બનાવ્યો હતો.
આ સિવાય ટીમ ઈન્ડિયાએ આ મેચમાં ઘણા વર્લ્ડ રેકોર્ડ બનાવ્યા છે. ODI ક્રિકેટમાં 3000 સિક્સર મારવાનો વર્લ્ડ રેકોર્ડ! (ODIમાં ટીમ દ્વારા સૌથી વધુ છગ્ગા).
ODIમાં ટીમ ઈન્ડિયાનો રેકોર્ડ; ભારત વનડેમાં 3000 છગ્ગા મારનાર પ્રથમ દેશ બન્યો છે. ઓસ્ટ્રેલિયા સામેની બીજી વનડેમાં ટીમ ઈન્ડિયાએ કુલ 18 સિક્સર ફટકારી છે. આ દ્વારા ભારતે ODI ક્રિકેટમાં કુલ 3007 સિક્સર ફટકારી છે. આ યાદીમાં વેસ્ટ ઈન્ડિઝ 2953 છગ્ગા સાથે બીજા સ્થાને છે જ્યારે પાકિસ્તાન 2566 છગ્ગા સાથે ત્રીજા સ્થાને છે.