આ વર્ષે ODI વર્લ્ડ કપની યજમાની ભારત કરવા જઈ રહ્યું છે. તાજેતરમાં જાહેર થયેલા વર્લ્ડ કપના શેડ્યૂલ મુજબ ટૂર્નામેન્ટની શરૂઆત 5 ઓક્ટોબરે અમદાવાદના નરેન્દ્ર મોદી સ્ટેડિયમમાં ડિફેન્ડિંગ ચેમ્પિયન ઈંગ્લેન્ડ અને ન્યૂઝીલેન્ડ વચ્ચેની મેચથી થશે.
અને ટુર્નામેન્ટની ફાઇનલ મેચ 19 નવેમ્બરે અમદાવાદમાં જ યોજાશે. વિશ્વભરના ક્રિકેટ ચાહકો આગામી વર્લ્ડ કપને લઈને ખૂબ જ ઉત્સાહિત દેખાઈ રહ્યા છે. તેમજ ચાહકો આતુરતાથી વર્લ્ડ કપની રોમાંચક મેચોની રાહ જોઈ રહ્યા છે. આ દરમિયાન મીડિયામાં ODI વર્લ્ડ કપ મેચોની ટિકિટના વેચાણને લઈને મોટા સમાચાર આવ્યા છે.
મીડિયા રિપોર્ટ્સ અનુસાર, ભારત દ્વારા આયોજિત થનારા ODI વર્લ્ડ કપ 2023 માટે ઓનલાઈન ટિકિટનું વેચાણ 10 ઓગસ્ટ સુધીમાં લાઈવ થઈ જશે. રિપોર્ટ અનુસાર, ત્યાં સુધીમાં વર્લ્ડ કપના શેડ્યૂલમાં કરવામાં આવનાર ફેરફાર પણ પૂર્ણ થઈ જશે. તાજેતરમાં જ ભારતીય ક્રિકેટ બોર્ડના સચિવ જય શાહે કહ્યું હતું કે વર્લ્ડ કપના શેડ્યૂલમાં બહુ જલ્દી ફેરફાર કરવામાં આવશે. મીડિયા રિપોર્ટ્સ અનુસાર, પાકિસ્તાન સહિત ત્રણ પૂર્ણ સભ્ય દેશોએ સમયપત્રકમાં ફેરફાર કરવાની વિનંતી કરી છે.
ઈન્ડિયા ટુડે સાથે વાત કરતા જય શાહે કહ્યું છે કે “ત્રણ સભ્યોએ આઈસીસીને શિડ્યુલમાં ફેરફાર કરવા માટે પત્ર લખ્યો છે. તમને જણાવી દઈએ કે માત્ર તારીખો અને સમય બદલાશે, સ્થળ બદલાશે નહીં. ટીમની બે મેચો વચ્ચે છ દિવસનું અંતર છે, તેથી અમે તેને ઘટાડીને 4-5 દિવસ કરવાનો પ્રયાસ કરી રહ્યા છીએ. 3-4 દિવસમાં ચિત્ર સ્પષ્ટ થશે. ટીમ સાથે વાત કર્યા પછી ફેરફાર થશે.”