કોવિડ-19ને કારણે છેલ્લા બે વર્ષમાં ઘણી ક્રિકેટ સિરીઝ રદ કરવામાં આવી હતી અને મુલતવી રાખવામાં આવી હતી. તેમાંથી એક પાકિસ્તાન-વેસ્ટ ઈન્ડિઝની વનડે શ્રેણી હતી જે ગયા વર્ષે કોરોનાને કારણે રદ્દ કરવી પડી હતી.
હવે આ ODI સિરીઝને ફરીથી શેડ્યૂલ કરવાનો નિર્ણય લેતા નવા શેડ્યૂલની જાહેરાત કરવામાં આવી છે. આ વર્ષે જૂનમાં પાકિસ્તાન અને વેસ્ટ ઈન્ડિઝ વચ્ચે ત્રણ મેચની વનડે શ્રેણીનું આયોજન કરવામાં આવશે. પાકિસ્તાન ક્રિકેટ બોર્ડ (PCB) એ સોમવારે કહ્યું કે પાકિસ્તાન ICC (ઇન્ટરનેશનલ ક્રિકેટ કાઉન્સિલ) મેન્સ ક્રિકેટ વર્લ્ડ કપ સુપર લીગ મેચો માટે વેસ્ટ ઇન્ડિઝની યજમાની કરશે અને આ મેચો રાવલપિંડીમાં 8, 10 અને 12 જૂને રમાશે.
વેસ્ટ ઈન્ડિઝે ગયા વર્ષના અંતમાં પાકિસ્તાનનો પ્રવાસ કર્યો હતો, પરંતુ તેમની ટીમમાં કોવિડ-19 સંક્રમણના અનેક કેસોને કારણે ODI શ્રેણી તે સમયે મુલતવી રાખવામાં આવી હતી. મુલાકાતી ટીમ માત્ર ત્રણ T20 ઈન્ટરનેશનલ મેચ રમીને ત્યાંથી પરત ફરી હતી.