નેપાળ ક્રિકેટ ટીમના સ્પિન બોલર સંદીપ લામિછાણેએ ODI ક્રિકેટમાં સૌથી ઓછા મેચમાં 100 વિકેટ લેવાનો વર્લ્ડ રેકોર્ડ બનાવ્યો છે. તેણે 42 મેચમાં 100 વિકેટ લઈને અફઘાનિસ્તાનના અનુભવી સ્પિનર રાશિદ ખાનને પાછળ છોડી દીધો છે.
લામિછાનેએ ઓમાન સામે રમાયેલી ACC મેન્સ પ્રીમિયર કપ 2023 મેચમાં આ સિદ્ધિ મેળવી હતી. ઓમાનના બેટ્સમેન અદીલ શફીકને આઉટ કરીને લામિછાનેએ ODI ફોર્મેટમાં તેની 100મી વિકેટ મેળવી હતી. આ મેચમાં તેણે 3 વિકેટ ઝડપી હતી. આ સાથે લામિછાનેએ 42 વનડેમાં 102 વિકેટ ઝડપી છે.
આ મેચમાં પ્રથમ બેટિંગ કરતા નેપાળે 50 ઓવરમાં 8 વિકેટે 310 રન બનાવ્યા હતા. નેપાળ માટે કુશલ મલ્લાએ 64 બોલમાં 108 રનની શાનદાર સદીની ઇનિંગ રમી હતી. જેમાં તેણે નવ ચોગ્ગા અને 10 છગ્ગા ફટકાર્યા હતા. જવાબમાં ઓમાનની આખી ટીમ 46.3 ઓવરમાં 226 રનમાં ઓલઆઉટ થઈ ગઈ હતી. આ રીતે નેપાળે મેચ 84 રને જીતી લીધી હતી.
નોંધનીય છે કે સંદીપ લામિછાણે પર યૌન શોષણનો આરોપ છે. આ આરોપો બાદ લામિછાનેએ ટીમની કેપ્ટનશીપ છોડી દીધી હતી. તેની સામેનો કેસ પેન્ડિંગ છે, પરંતુ કોર્ટે તેને રમવાની મંજૂરી આપી છે.
Records are meant to be broken and I'm proud to have achieved the title of the fastest 100 ODI wickets in the world! This feat wouldn't have been possible without the unwavering support of my family, supporters, teammates and coaches who have been my pillars of strength…. pic.twitter.com/7RFEU0NDLi
— Sandeep Lamichhane (@Sandeep25) April 21, 2023