ICC વર્લ્ડ કપ ક્વોલિફાયરની પ્રથમ મેચમાં ઝિમ્બાબ્વેએ નેપાળ સામે આઠ વિકેટે જીત નોંધાવી હતી. ગ્રૂપ-એની આ મેચમાં ઝિમ્બાબ્વેની જીતના હીરો ક્રેગ ઈરવિન અને સીન વિલિયમ્સ હતા, જેમણે અણનમ સદી ફટકારી હતી.
પ્રથમ બેટિંગ કરતા નેપાળે 50 ઓવરમાં 8 વિકેટ ગુમાવીને 290 રન બનાવ્યા, જે ઘરની બહાર તેનો સૌથી મોટો ODI સ્કોર છે. આ પછી ઝિમ્બાબ્વેએ ખતરનાક ઇનિંગની શરૂઆત કરી અને 291 રનનો લક્ષ્યાંક 44.1 ઓવરમાં માત્ર 2 વિકેટ ગુમાવીને હાંસલ કરી લીધો.
નેપાળ દ્વારા ઘરની બહાર બનાવેલ સૌથી વધુ ODI સ્કોર:
290/8 – વિ ZIM, હરારે, 2023
274 – વિ USA, પિયરલેન્ડ, 2022
255/6 – વિ UAE, દુબઈ, 2019
242/9 – વિ UAE, દુબઈ, 2019
ક્રેગ ઈરવિને 128 બોલમાં 15 ચોગ્ગા અને 1 છગ્ગાની મદદથી 121 રનની અણનમ ઈનિંગ રમી હતી જ્યારે સીન વિલિયમ્સે 70 બોલમાં 13 ચોગ્ગા અને 1 છગ્ગાની મદદથી અણનમ 102 રન બનાવ્યા હતા. આ સાથે સીન વિલિયમ્સ ઝિમ્બાબ્વે માટે વનડેમાં સૌથી ઝડપી સદી ફટકારનાર બેટ્સમેન બની ગયો છે.
ઝિમ્બાબ્વે માટે વનડેમાં સૌથી ઝડપી સદી (બોલ):
70 – 2023માં સીન વિલિયમ્સ વિરુદ્ધ નેપાળ
73 – 2022માં રેજીસ ચકબાવા વિ. બાંગ્લાદેશ
77 – 2019માં સીમ વિલિયમ્સ વિ UAE
79 – 2015માં બ્રેન્ડન ટેલર વિ આયર્લેન્ડ
81 – 2022માં સિકંદર રઝા વિ. બાંગ્લાદેશ
ઈરવિન અને સીન વચ્ચે 166 રનની ભાગીદારી થઈ હતી, જે ઝિમ્બાબ્વે તરફથી ODI ક્રિકેટમાં ત્રીજી વિકેટ માટે સૌથી મોટી ભાગીદારી છે.
Magnificent batting display by the @aramco Player of the Match, Craig Ervine 👏
#ZIMvNEP | #CWC23 pic.twitter.com/jaElh6muPS
— Zimbabwe Cricket (@ZimCricketv) June 18, 2023