ભારતીય ઓપનર શુભમન ગિલ છેલ્લા ઘણા સમયથી બેટ સાથે સંઘર્ષ કરી રહ્યો છે. વેસ્ટ ઈન્ડિઝના પ્રવાસ પર, ગિલે કેરેબિયન ટીમ સાથે રમાયેલી 2 મેચની ટેસ્ટ શ્રેણીની 3 ઈનિંગ્સમાં માત્ર 45 રન બનાવ્યા હતા.
29 જુલાઇના રોજ રમાયેલી બીજી વનડેમાં ગિલને સારી શરૂઆત મળી હોવા છતાં તે આ ઇનિંગને ફરી એકવાર મોટી ઇનિંગમાં બદલી શક્યો નહીં. જોકે, નિરાશાજનક પ્રદર્શન છતાં, શુભમન ગીલે પાકિસ્તાનના સ્ટાર બેટ્સમેન બાબર આઝમને પાછળ છોડીને 26 ODI ઇનિંગ્સમાં સૌથી વધુ રન બનાવનાર બેટ્સમેન બનીને બધાને ચોંકાવી દીધા છે.
ગિલે હજુ સુધી રમાયેલી 26 ODI ઇનિંગ્સમાં સૌથી વધુ રન બનાવવાના પાકિસ્તાની કેપ્ટન બાબર આઝમના રેકોર્ડને પાછળ છોડી દીધો છે.
શુભમન ગિલે 26 વનડેમાં 61.45ની એવરેજ અને 104.88ની સ્ટ્રાઈક રેટથી 1352 રન બનાવ્યા છે. જેમાં ચાર સદી, પાંચ અર્ધસદી અને એક બેવડી સદીનો સમાવેશ થાય છે. જ્યારે બાબર આઝમ 25 ઇનિંગ્સમાં 1322 રન સાથે બીજા અને જોનાથન ટ્રોટ અનુક્રમે 26 વનડેમાં 1303 રન સાથે ત્રીજા સ્થાને છે. બાબરની ODI કારકિર્દી વિશે વાત કરીએ તો, તેણે 100 ODI રમી છે અને 98 ઇનિંગ્સમાં 5089 રન બનાવ્યા છે, જેમાં 18 સદી અને 26 અડધી સદી સામેલ છે.
બાબર હાલમાં જ જાહેર કરાયેલી ODI રેન્કિંગમાં નંબર વન બેટ્સમેન છે. બાબર 886 રેટિંગ પોઈન્ટ સાથે ટોપ પર છે. બીજી તરફ ગિલ 738 રેટિંગ પોઈન્ટ સાથે પાંચમા સ્થાને છે. ટીમ ઈન્ડિયાના યુવા ઓપનરની આટલી મોટી ઉપલબ્ધિ જોઈને ચાહકોએ સોશિયલ મીડિયા પર ઘણી ફની પ્રતિક્રિયાઓ આપી છે.
Shubman Gill has scored most runs in ODI after 26 innings.
Over-takes the record held by Babar Azam. pic.twitter.com/2TaJmx6V3C
— Johns. (@CricCrazyJohns) July 30, 2023