ચાર વર્ષ બાદ ફરી એકવાર વિશ્વની 10 શ્રેષ્ઠ ક્રિકેટ ટીમો પોતાની સર્વોપરિતા સાબિત કરવા માટે લડત આપતી જોવા મળશે. ક્રિકેટની આ લડાઈ આ વખતે ભારતની ધરતી પર થવા જઈ રહી છે.
આવી સ્થિતિમાં તમામ ક્રિકેટ પંડિતો યજમાન ટીમ ઈન્ડિયાના ખિતાબ જીતવાની ઘણી શક્યતાઓ જણાવી રહ્યા છે. જોકે, ભૂતપૂર્વ ભારતીય કેપ્ટન સૌરવ ગાંગુલીનું માનવું છે કે આ વર્લ્ડ કપ જીતવો ભારત માટે આસાન નહીં હોય. ટાઈટલની રેસમાં સામેલ અન્ય ટીમોને હાઈલાઈટ કરતા તેણે કહ્યું કે વર્લ્ડ કપ જીતવાનો રસ્તો કેટલો કપરો છે.
સૌરવ ગાંગુલીએ એક મોટી ભવિષ્યવાણી કરી છે અને એવી પાંચ ટીમોના નામ આપ્યા છે, જે ICC ક્રિકેટ વર્લ્ડ કપ 2023નો ખિતાબ જીતવાની પ્રબળ દાવેદાર છે. જોકે, તેણે ભારતને નહીં પણ ઓસ્ટ્રેલિયાને સૌથી મોટા દાવેદાર માની છે. ઉપરાંત, તેમની યાદીમાં દક્ષિણ આફ્રિકા જેવી મોટી ટીમનો સમાવેશ થતો નથી. એક કાર્યક્રમ દરમિયાન પૂર્વ ભારતીય કેપ્ટને કહ્યું કે, “મને લાગે છે કે ઓસ્ટ્રેલિયા ટોચની ટીમ હશે. આ દરમિયાન ઈંગ્લેન્ડ અને પાકિસ્તાન પર પણ નજર રાખવામાં આવશે. તમે ન્યૂઝીલેન્ડને ક્યારેય અવગણી શકો નહીં. પરંતુ જો તમે મને અત્યારે મારા શ્રેષ્ઠ 5 વિશે પૂછો, તો તે ઓસ્ટ્રેલિયા, ઈંગ્લેન્ડ, ન્યૂઝીલેન્ડ, ભારત અને પાકિસ્તાન.”