વર્લ્ડ કપ 2023માં ભારતીય ક્રિકેટ ટીમે તેની પ્રથમ મેચ 8 ઓક્ટોબરે ઓસ્ટ્રેલિયા સામે રમવાની છે. આ મેચ ચેન્નાઈમાં રમાશે અને પૂર્વ ક્રિકેટર સુનીલ ગાવસ્કરે આ મેચ માટે પોતાની પ્લેઈંગ ઈલેવન પસંદ કરી છે.
સુનીલ ગાવસ્કરે કેપ્ટન રોહિત શર્મા અને શુભમન ગિલને ઓપનર તરીકે પસંદ કર્યા છે. વિરાટ કોહલી ત્રીજા નંબરે બેટિંગ કરશે અને શ્રેયસ અય્યર ચોથા નંબર પર રમશે. ગાવસ્કરે કેએલ રાહુલને પાંચમાં નંબર પર બેટિંગ માટે રાખ્યો છે. આ પછી તેણે હાર્દિક પંડ્યા અને રવિન્દ્ર જાડેજાને ઓલરાઉન્ડર તરીકે પસંદ કર્યા છે. તેણે કુલદીપ યાદવને બીજા સ્પિનર તરીકે પસંદ કર્યો છે અને અશ્વિનને પસંદ કર્યો નથી. આ સિવાય મોહમ્મદ સિરાજ, મોહમ્મદ શમી અને જસપ્રિત બુમરાહને ત્રણ ફાસ્ટ બોલર તરીકે પસંદ કરવામાં આવ્યા છે.
સુનીલ ગાવસ્કરે સ્ટાર સ્પોર્ટ્સ પર વાતચીત દરમિયાન ભારતીય ટીમના પ્લેઈંગ ઈલેવનની પસંદગી કરી હતી. તેણે કહ્યું, તમે ત્રણ ઝડપી બોલરોને પસંદ કરી શકો છો. મોહમ્મદ શમી, મોહમ્મદ સિરાજ અને જસપ્રિત બુમરાહ. જો ટીમ માત્ર બે ઝડપી બોલરો સાથે જવા માંગે છે, કારણ કે હાર્દિક પંડ્યા પણ ટીમનો એક ભાગ છે, તો એક વધારાનો સ્પિનર રવિચંદ્રન અશ્વિનને પ્લેઈંગ ઈલેવનમાં સામેલ કરી શકાય છે.
ઓસ્ટ્રેલિયા સામેની મેચ માટે સુનીલ ગાવસ્કરની પ્લેઈંગ ઈલેવન:
રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ, હાર્દિક પંડ્યા, રવિન્દ્ર જાડેજા, કુલદીપ યાદવ, મોહમ્મદ શમી, મોહમ્મદ સિરાજ અને જસપ્રિત બુમરાહ.