આ વખતે પાકિસ્તાન ICC ચેમ્પિયન્સ ટ્રોફી 2025ની યજમાની કરી રહ્યું છે. પરંતુ ટીમ ઈન્ડિયા ચેમ્પિયન્સ ટ્રોફી રમવા પાકિસ્તાન જશે કે નહીં તે અંગે હજુ પણ શંકા છે.
અહેવાલો અનુસાર, આ માટે BCCI દ્વારા ICCને પહેલાથી જ પરવાનગી આપવાનો ઇનકાર કરવામાં આવ્યો છે. જે બાદ ફરી એકવાર ICC ટીમ ઈન્ડિયા માટે હાઈબ્રિડ મોડલ લાગુ કરી શકે છે. જે બાદ ટીમ ઈન્ડિયાની મેચો પાકિસ્તાનમાં નહીં પણ કોઈ અન્ય દેશમાં થતી જોઈ શકાય છે. જો કે, સત્તાવાર નિવેદન આવવાનું બાકી છે.
આ વખતે આ ત્રણ યુવા ખેલાડીઓને ચેમ્પિયન્સ ટ્રોફી માટે ટીમ ઈન્ડિયામાં જગ્યા મળી શકે છે. નવા મુખ્ય કોચ ગૌતમ ગંભીર આ ત્રણ ખેલાડીઓ પર વિશ્વાસ વ્યક્ત કરી શકે છે.
1.હર્ષિત રાણા:
IPL 2024માં ધમાલ મચાવનાર કોલકાતા નાઈટ રાઈડર્સના ફાસ્ટ બોલર હર્ષિત રાણાને પણ ICC ચેમ્પિયન્સ ટ્રોફી 2025માં રમવાની તક મળી શકે છે. શ્રીલંકા પ્રવાસ માટે તેને વનડે ટીમમાં પસંદ કરવામાં આવ્યો હતો પરંતુ તેને પ્લેઈંગ ઈલેવનમાં તક મળી ન હતી.
2.રિંકુ સિંહ:
ગૌતમ ગંભીર ચેમ્પિયન્સ ટ્રોફી 2025માં રિંકુ સિંહને પણ તક આપી શકે છે. જોકે, રિંકુને ODIમાં માત્ર 2 મેચ રમવાની તક મળી છે. જેમાં તેના નામે 55 રન છે. આ સિવાય રિંકુનો T20માં શાનદાર રેકોર્ડ છે. રિંકુ અત્યાર સુધી 23 ઈન્ટરનેશનલ ટી20 મેચ રમી ચૂક્યો છે. જેમાં તેના નામે 418 રન છે. ODIમાં રિંકુનો સ્ટ્રાઈક રેટ 134.14 અને T20માં 174.16 છે.
3.અભિષેક શર્મા:
IPL 2024માં ધમાલ મચાવનાર અભિષેક શર્મા માટે આ વર્ષ અત્યાર સુધી ઘણું સારું રહ્યું છે. IPLમાં શાનદાર પ્રદર્શન કર્યા બાદ અભિષેકને ઝિમ્બાબ્વે પ્રવાસ માટે ટીમ ઈન્ડિયામાં પસંદ કરવામાં આવ્યો હતો. આ પ્રવાસમાં અભિષેકે ટી20માં ડેબ્યૂ કર્યું હતું. તેણે ઝિમ્બાબ્વે સામેની બીજી T20Iમાં શાનદાર સદી સહિત પાંચ T20 આંતરરાષ્ટ્રીય મેચ રમી છે.