વિરેન્દ્ર સેહવાગની આ હાર પર કંઇક બીજું કહેવાનું છે…
ભારત અને ઇંગ્લેન્ડ વચ્ચેની બીજી વનડે મેચમાં ટીમ ઈન્ડિયાએ 336 રન બનાવ્યા હતા જે ક્યાંયથી ઓછા કહી શકાય નહીં, પરંતુ ઇંગ્લેન્ડના બેટ્સમેનોએ ખૂબ સારી બેટિંગ કરીને 43.3 ઓવરમાં મેચ પૂરી કરી હતી. તેમાં કોઈ શંકા નથી કે, આ સમયગાળા દરમિયાન, ઇંગ્લિશ બેટ્સમેનોએ સૌથી વધુ નિશાન કુલદીપ યાદવ અને ક્રુનાલ પંડ્યાને બનાવ્યા હતા.
કુલદીપ યાદવે 10 ઓવરમાં 84 રન આપ્યા હતા અને તે વનડેમાં તેના સ્પેલમાં ભારત તરફથી સર્વોચ્ચ બોલર બન્યો હતો, જ્યારે ક્રુનાલ પંડ્યાએ ફક્ત 6 ઓવરમાં 72 રન આપ્યા હતા.
પરંતુ ભારતના ભૂતપૂર્વ ઓપનર બેટ્સમેન વિરેન્દ્ર સેહવાગની આ હાર પર કંઇક બીજું કહેવાનું છે. સહેવાગે કહ્યું કે ભારતીય ટીમ બીજી મેચમાં બોલરોના કારણે નહીં પરંતુ બેટ્સમેનોને કારણે હાર્યા અને તેણે તેનું કારણ પણ સમજાવ્યું હતું.
વીરેન્દ્ર સહેવાગે કહ્યું કે, ભારતીય બેટ્સમેનોએ ઇંગ્લેન્ડના સ્પિન બોલરોને તેમની આખી ઓવર ફેકી પણ આપણાં બૅટ્સમેનો એ તેનો સારો ઉપયોગ કર્યો નહીં. જો ભારતીય બેટ્સમેનો મોઇન અલી અને આદિલ રશીદ સામે વધુ 15 થી 20 રન બનાવ્યા હોત તો ભારતનો સ્કોર 350 સુધી પહોંચી ગયો હોત અને આ લક્ષ્યનો પીછો કરવો ઈંગ્લેંડ માટે સરળ ન થાત.