ઓસ્ટ્રેલિયાની વિકેટ કીપર બેટ્સમેન એલિસા હેલીના શાનદાર 72 રનના આધારે ઓસ્ટ્રેલિયાએ વર્લ્ડ કપમાં પાકિસ્તાનને 7 વિકેટે હરાવ્યું હતું.
ટૂર્નામેન્ટમાં ઓસ્ટ્રેલિયાની આ બીજી જીત છે જ્યારે પાકિસ્તાનની ટીમની આ બીજી હાર છે. બે-ઓવલ ખાતે રમાયેલી મેચમાં ટોસ હારીને પ્રથમ બેટિંગ કરવા ઉતરેલી પાકિસ્તાનની ટીમે 50 ઓવરમાં 6 વિકેટે 190 રન બનાવ્યા હતા.
પાકિસ્તાન તરફથી કેપ્ટન બિસ્માહ મારુફે 78 રન બનાવ્યા જ્યારે ઈલિયા રિયાઝે 53 રન બનાવ્યા. આ બંને સિવાય કોઈ પણ બેટ્સમેન ઓસ્ટ્રેલિયન બોલિંગ સામે કંઈ ખાસ કરી શક્યું ન હતું.
191 રનના ટાર્ગેટનો પીછો કરવા ઉતરેલી ઓસ્ટ્રેલિયન ટીમે એલિસા હીલીની શાનદાર બેટિંગના આધારે 35મી ઓવરમાં 3 વિકેટ ગુમાવીને આ ટાર્ગેટ સરળતાથી હાંસલ કરી લીધો હતો. હેલી ઉપરાંત મેગ લેનિંગે 35 અને રશેલ હેન્સે 34 રન બનાવ્યા હતા.
ઓસ્ટ્રેલિયન ટીમની આ સતત બીજી જીત છે અને તે હવે આ યાદીમાં ટોપ પર પહોંચી ગઈ છે. ટીમે પ્રથમ મેચમાં ઈંગ્લેન્ડને 12 રને હરાવ્યું હતું. બીજી તરફ પાકિસ્તાન ટીમની આ સતત બીજી હાર છે. પ્રથમ મેચમાં તેને ભારતીય ટીમે 107 રને પરાજય આપ્યો હતો. સતત બે હારના કારણે પાકિસ્તાનની ટીમની મુશ્કેલીઓ વધી ગઈ છે.
ઓસ્ટ્રેલિયા તેની આગામી મેચ 13 માર્ચે ન્યૂઝીલેન્ડ સામે રમશે જ્યારે પાકિસ્તાન તેની મેચ 11 માર્ચે દક્ષિણ આફ્રિકા સામે રમશે. કોઈ પણ સંજોગોમાં પાકિસ્તાને તેની આગામી મેચ જીતવી પડશે.
Two in two for Meg Lanning’s side as Australia seal a seven-wicket win over Pakistan 👏#CWC22 pic.twitter.com/OM0SI0G5IQ
— ICC Cricket World Cup (@cricketworldcup) March 8, 2022