ICC મહિલા ક્રિકેટ વર્લ્ડ કપ 2022માં દક્ષિણ આફ્રિકા સામેની હાર બાદ ભારતીય મહિલા ક્રિકેટ ટીમની સફરનો અંત આવ્યો. દક્ષિણ આફ્રિકા સામેની અત્યંત રોમાંચક મેચમાં ભારતનો 3 વિકેટે પરાજય થયો હતો.
આ મેચમાં ભારતે 50 ઓવરમાં 7 વિકેટે 274 રન બનાવ્યા હતા, પરંતુ પ્રોટીયાએ 50 ઓવરમાં 7 વિકેટે 275 રન બનાવીને મેચ જીતી લીધી હતી. આ મેચમાં ભારતની ખરાબ નસીબને કારણે તેનો પરાજય થયો હતો. ત્યારે કેપ્ટન મિતાલી રાજે પણ પોતાની બેટિંગના દમ પર બે મહાન રેકોર્ડ પોતાના નામે કર્યા હતા.
મિતાલી રાજે દક્ષિણ આફ્રિકા સામે 84 બોલમાં 8 ચોગ્ગાની મદદથી 68 રન બનાવ્યા હતા. મહિલા ODI વર્લ્ડ કપમાં મિતાલી રાજની આ 11મી અડધી સદી હતી અને તે આ ટૂર્નામેન્ટમાં સૌથી વધુ અર્ધસદી ફટકારવા માટે નંબર વન પર આવી હતી. મિતાલી રાજ પહેલા આ રેકોર્ડ ડેબી હેકલીના નામે હતો જેણે કુલ 10 અડધી સદી ફટકારી હતી.
મહિલા વિશ્વ કપમાં સૌથી વધુ અર્ધશતક ફટકારનાર ખેલાડીઓ-
11 – મિતાલી રાજ
10 – ડેબી હેકલી
9 – લૌરા વોલ્વાર્ડટો
7 – ચાર્લોટ એડવર્ડ્સ
6 – કારેન રોલ્ટન
6 – બેલિન્ડા ક્લાર્ક
મિતાલી મહિલા વર્લ્ડ કપમાં ભારત માટે અડધી સદી ફટકારનારી સૌથી મોટી ઉંમરની ખેલાડી બની ગઈ છે. મિતાલી રાજે ICC મહિલા વર્લ્ડ કપમાં ભારત માટે અડધી સદી ફટકારનાર સૌથી મોટી ઉંમરની ખેલાડી બનવાનું ગૌરવ હાંસલ કર્યું હતું. મિતાલી રાજે 39 વર્ષ 114 દિવસની ઉંમરમાં આ અદ્ભુત કારનામું કર્યું.