ભારતીય ક્રિકેટ ટીમના પૂર્વ કેપ્ટન વિરાટ કોહલીની લોકપ્રિયતા માત્ર ભારત પુરતી જ સીમિત નથી, પરંતુ આજે તે દુનિયાભરના કરોડો લોકો માટે પ્રેરણાસ્ત્રોત બની ગયા છે.
ચાહકોમાં ઘણીવાર કોહલીને લઈને અલગ-અલગ પ્રકારનો ક્રેઝ જોવા મળે છે. આ દરમિયાન તેના એક પાકિસ્તાની ચાહકનો એક વીડિયો સામે આવ્યો છે, જેમાં તેણે લોખંડના નખની મદદથી વિરાટ કોહલીનો સ્કેચ બનાવ્યો છે.
વાસ્તવમાં કોહલીના આ ફેનનું નામ ફરાઝ નસીમ છે. આ છોકરાએ લાકડાના પાટિયા પર નખ મારતા વિરાટ કોહલીનો અદભૂત સ્કેચ બનાવ્યો હતો. જો કે નસીમને આ આર્ટ બનાવવામાં કેટલો સમય લાગ્યો તે અંગે કોઈ માહિતી નથી, પરંતુ વિડિયો રિલીઝ થયા બાદ તેને સોશિયલ મીડિયા પર ખૂબ પસંદ કરવામાં આવી રહ્યો છે.
દરેક ક્રિકેટ ચાહક ભારત અને પાકિસ્તાન વચ્ચેની દુશ્મનાવટથી સારી રીતે વાકેફ છે, પરંતુ તેમ છતાં, પાકિસ્તાનમાં પણ કોહલીની રમતને પસંદ કરનારા લોકોની કોઈ કમી નથી. બંને ટીમો છેલ્લે રમાયેલા એશિયા કપમાં ટકરાયા હતા
આવતા મહિનાથી ભારતમાં ક્રિકેટનો મહાકુંભ એટલે કે વર્લ્ડ કપ શરૂ થશે. ટૂર્નામેન્ટની પ્રથમ મેચ 5 ઓક્ટોબરે ઈંગ્લેન્ડ અને ન્યૂઝીલેન્ડ વચ્ચે રમાશે, પરંતુ જે મેચની તમામ ચાહકો આતુરતાથી રાહ જોઈ રહ્યા છે તે મેચ 14 ઓક્ટોબરે રમાશે.
Nails Sketch of @imVkohli by Faraz Naseem, frm Washuk, Balochistan.Washuk's a fertile soil with potentional youth who only need space and opportunities to grow.This is a unique Art of its kind.Balochistan govt should support our youth to grow to their natural heights.#ViratKohli pic.twitter.com/ydkNvEHHSX
— Irshad Hameed Baloch (@irshadhameed16) September 23, 2023