બાબર આઝમે કોલકાતાથી લગ્નની ખરીદી કરી, આટલની શેરવાની લીધી

પાકિસ્તાન ક્રિકેટ ટીમ લાંબા સમય બાદ ક્રિકેટ રમવા ભારત પહોંચી છે. જોકે, વર્લ્ડ કપ 2023માં પાકિસ્તાન ખૂબ જ સામાન્ય ક્રિકેટ રમ્યું છે.

પરંતુ આ બધાની વચ્ચે પાકિસ્તાન ક્રિકેટ ટીમના કેપ્ટન બાબર આઝમ ફરી એકવાર ચર્ચામાં છે. રિપોર્ટ્સ અનુસાર બાબરે તેના લગ્ન માટે શેરવાની અને જ્વેલરી ખરીદી છે. તમને જણાવી દઈએ કે વર્લ્ડ કપ 2023 પછી પાકિસ્તાની કેપ્ટન બાબર આઝમ લગ્ન કરવા જઈ રહ્યો છે. આ માટે તેણે ભારતમાં શોપિંગ પણ કર્યું છે.

બાબર આઝમ આ વર્ષના અંતમાં લગ્ન કરવા જઈ રહ્યો છે, જેના માટે તેણે કોલકાતામાં શોપિંગ પણ કર્યું છે. બાબરે સબ્યસાચી પાસેથી ડિઝાઇનર શેરવાની ખરીદી હતી, જે એક ડિઝાઇનર બ્રાન્ડ છે. શેરવાની સિવાય તેણે જ્વેલરી પણ ખરીદી છે. રિપોર્ટ્સનું માનીએ તો તેણે કુલ 7 લાખ રૂપિયાની ખરીદી કરી છે. લગ્નની તૈયારીઓ પૂરજોશમાં ચાલી રહી છે અને બાબરના સંબંધીઓ પણ તૈયારીઓમાં વ્યસ્ત છે. આટલી મહત્વપૂર્ણ આંતરરાષ્ટ્રીય ટૂર્નામેન્ટ વચ્ચે તેમના લગ્નની શોપિંગ પર ધ્યાન કેન્દ્રિત કરવાને લઈને ચર્ચા જાગી છે.

વર્લ્ડ કપ 2023માં પાકિસ્તાન ક્રિકેટ ટીમના પ્રદર્શન બાદ ટીમના કેપ્ટન બાબર આઝમ પર ઘણા સવાલો ઉભા થયા છે. વર્લ્ડ કપ પહેલા ટીમ વર્લ્ડ કપ જીતવાની રેસમાં હોવાનું માનવામાં આવતું હતું. પરંતુ ટીમનું પ્રદર્શન જોયા બાદ તેના કેપ્ટન પર સવાલો ઉઠી રહ્યા છે. આ વર્લ્ડ કપમાં પાકિસ્તાનની ટીમ પણ અફઘાનિસ્તાનની ટીમ સામે હારી ગઈ હતી, જે બાદ તેની કેપ્ટનશિપ પર વધુ સવાલો ઉઠવા લાગ્યા હતા. ઘણા ક્રિકેટ નિષ્ણાતો માને છે કે આ વર્લ્ડ કપ પછી બાબરની કેપ્ટનશીપ જઈ શકે છે.