બેન સ્ટોક્સ પર બની રહેલી ડોક્યુમેન્ટ્રીનું ટ્રેલર લોન્ચ, જાણો ક્યારે રિલીઝ થશે

સ્ટોક્સ પર બની રહેલી ડોક્યુમેન્ટરીનું નામ છે ‘ફોનિક્સ ફ્રોમ ધ એશિઝ’, આ ડોક્યુમેન્ટરી 26 ઓગસ્ટે રિલીઝ થશે. આ ડોક્યુમેન્ટરી છેલ્લા દોઢ વર્ષથી બની રહી હતી.

બેન સ્ટોક્સનું જીવન ખૂબ જ ઉતાર-ચઢાવનું રહ્યું છે અને આ ડોક્યુમેન્ટરી તેના જીવન અને ક્રિકેટ કારકિર્દીના દરેક સંઘર્ષને આવરી લે છે. એમેઝોન પ્રાઇમ વિડિયો સ્પોર્ટ્સ પર રિલીઝ થનારી આ ડોક્યુમેન્ટ્રીનું નામ ‘ફોનિક્સ ફ્રોમ ધ એશિઝ’ છે. ડોક્યુમેન્ટ્રીનું ટ્રેલર ત્રણ મિનિટનું છે અને તેમાં ઈંગ્લેન્ડ ક્રિકેટ ટીમના ભૂતપૂર્વ કેપ્ટન જો રૂટ અને સ્ટુઅર્ટ બ્રોડ પણ છે. આ ડોક્યુમેન્ટ્રી 26 ઓગસ્ટે રિલીઝ થશે.

એમેઝોન પ્રાઇમ વિડિયો સ્પોર્ટ્સ પર રિલીઝ થનારી આ ડોક્યુમેન્ટરી છેલ્લા દોઢ વર્ષથી બની રહી હતી. આ વર્ષે ફેબ્રુઆરીમાં જ્યારે ઈંગ્લેન્ડની ક્રિકેટ ટીમ વેસ્ટ ઈન્ડિઝના પ્રવાસે હતી ત્યારે ફિલ્મ નિર્માણ સાથે જોડાયેલા કેમેરામેન સતત બેન સ્ટોક્સ સાથે હતા. આ ડોક્યુમેન્ટ્રી માટે ઈંગ્લેન્ડ ક્રિકેટ ટીમમાં સ્ટોક્સ સાથે રમી ચૂકેલા ખેલાડીઓ સાથે પણ વાત કરવામાં આવી છે. તેને બનાવવા માટે ઈંગ્લેન્ડ અને વેલ્સ ક્રિકેટ બોર્ડ પાસેથી પણ પરવાનગી લેવામાં આવી હતી.