ભારતીય ક્રિકેટ ટીમમાંથી સ્ટાર લેગ સ્પિનર યુઝવેન્દ્ર ચહલ અને તેની પત્ની ધનશ્રી વર્મા આ દિવસોમાં કાશ્મીરના ગુલમર્ગમાં રજાઓ મનાવી રહ્યા છે. બંને તેમની લગ્નની વર્ષગાંઠ પણ સેલિબ્રેટ કરી રહ્યા છે.
આ દરમિયાન તે કાશ્મીરમાં સેનાના જવાનોને પણ મળ્યા. ધનશ્રીએ પોતાના ઈન્સ્ટાગ્રામ પર યુઝવેન્દ્ર ચહલ સાથેનો એક ફોટો શેર કર્યો છે, જેમાં બંને સેનાના જવાનો સાથે ઉભા છે.
યુજીની પત્નીએ ફોટાની સાથે કેપ્શનમાં લખ્યું, ‘આજે અસલી હીરોને મળો. અદ્ભુત અનુભવ હતો. આ માટે દરેકનો આભાર. જય હિંદ.’ આ પહેલા બંને કપલ બરફીલા પહાડોની મજા લેતા જોવા મળ્યા હતા. બંનેની તસવીરો સોશિયલ મીડિયા પર ખૂબ જ વાયરલ થઈ રહી છે. મિસ્ટર એન્ડ મિસિસ ચહલ હાલમાં કાશ્મીરમાં ઠંડીની મજા માણી રહ્યા છે. ચહલની પત્નીએ તાજેતરમાં ઇન્સ્ટાગ્રામ પર પોતાની કેટલીક તસવીરો શેર કરી હતી, જેમાં તે બ્લેક ડ્રેસમાં સજ્જ સફેદ હિલ્સની વચ્ચે સ્ટાઇલિશ પોઝ આપતી જોવા મળી હતી.
ચહલ અને ધનશ્રી હાલમાં તેમના લગ્નની પ્રથમ વર્ષગાંઠની ઉજવણી કરવા કાશ્મીરમાં છે. બંનેએ ગયા વર્ષે 22 ડિસેમ્બરે દિલ્હીમાં લગ્ન કર્યા હતા. IPL 2020 અને 2021 દરમિયાન, ચહલ અને ધનશ્રી સમગ્ર UAEમાં હાજર હતા. ચહલની પત્ની ધનશ્રી વ્યવસાયે યુટ્યુબર છે અને તેના ડાન્સ વીડિયો સોશિયલ મીડિયા પર શેર કરતી રહે છે.
