ઓસ્ટ્રેલિયન ક્રિકેટ ટીમના સૌથી ખતરનાક બેટ્સમેનમાંથી એક ડેવિડ વોર્નર ભારતને કેટલો પ્રેમ કરે છે, તે હવે કોઈનાથી છુપાયેલ નથી. ડેવિડ વોર્નરે ઘણા પ્રસંગોએ ભારતના વખાણ કર્યા છે, આ સાથે તે દરેક ભારતીય તહેવાર અને રીતરિવાજોને ખૂબ જ સારી રીતે ઉજવે છે.
ઘણી વખત જ્યારે પત્રકારોએ ડેવિડ વોર્નરને ભારત પ્રત્યેના પ્રેમનું કારણ પૂછ્યું તો વોર્નરે કહ્યું કે ભારત મારું બીજું ઘર છે અને અહીં આવ્યા પછી મને એવું લાગે છે કે હું મારા જ દેશમાં છું.
હાલમાં જ ડેવિડ વોર્નરે કંઈક એવું કર્યું છે, જેને જોઈને દરેક ભારતીય તેના જોરથી વખાણ કરી રહ્યા છે. વાસ્તવમાં વાત એ છે કે ડેવિડ વોર્નરે પોતાના સોશિયલ મીડિયા પ્લેટફોર્મ પર એક પોસ્ટ શેર કરી છે અને તે પોસ્ટ જોયા બાદ દરેક ભારતીયની છાતી પહોળી થઈ ગઈ છે.
23 ઓગસ્ટનો દિવસ હવે ભારતીય ઇતિહાસમાં કાયમ માટે અમર બની ગયો છે. આ દિવસે ISRO દ્વારા મોકલવામાં આવેલ ચંદ્રયાન-3 એ ચંદ્રના દક્ષિણ ધ્રુવ પર સફળ ઉતરાણ કર્યું છે. ચંદ્રયાન-3 એ ચંદ્રના દક્ષિણ ધ્રુવ પર સફળ લેન્ડિંગ કર્યાના સમાચાર ઈસરોએ શેર કરતાની સાથે જ સમગ્ર વિશ્વએ ભારતના વૈજ્ઞાનિકોના વખાણ કર્યા છે.