ભારતીય ટીમના નવા નિયુક્ત કેરટેકર ટી-20 કેપ્ટન હાર્દિક પંડ્યાની સામે નવા વર્ષની શરૂઆતમાં શ્રીલંકાનો પડકાર આવશે. મોટા પડકાર પહેલા હાર્દિક હાલમાં નવા વર્ષની ઉજવણીમાં વ્યસ્ત છે. હાર્દિક સાઉથના સુપરસ્ટાર યશને મળ્યો હતો. ફિલ્મમાં, યશ, જે તેના પાત્ર રોકીના નામથી ચાહકોમાં પ્રખ્યાત છે, તે હાર્દિક અને તેના મોટા ભાઈ કૃણાલ પંડ્યાને મળ્યો હતો.
હાર્દિકે પોતે આ તસવીર પોતાના ઈન્સ્ટાગ્રામ હેન્ડલથી શેર કરી છે. આ તસવીર જોતા જ વાયરલ થઈ ગઈ હતી.હાર્દકે પોસ્ટ સાથે કેપ્શનમાં લખ્યું- KGF-3. જણાવી દઈએ કે યશ તેની ફિલ્મ KGF દ્વારા જ ચાહકોમાં લોકપ્રિય બન્યો છે. ફિલ્મના અત્યાર સુધીમાં બે ભાગ આવી ચૂક્યા છે. ચાહકોને બંને ફિલ્મો ઘણી પસંદ આવી હતી. આવી સ્થિતિમાં, હવે આ ફિલ્મનો ત્રીજો ભાગ ક્યારે આવશે તેની સૌ રાહ જોઈ રહ્યા છે.
રેગ્યુલર કેપ્ટન રોહિત શર્મા હજુ સુધી ફિટ થઈ શક્યો નથી. આવી સ્થિતિમાં T20ની કમાન હાર્દિકના ખભા પર છે. કેએલ રાહુલને ટી20માંથી બહારનો રસ્તો દેખાડવામાં આવ્યો છે. હાર્દિકને સુકાનીપદની જવાબદારી આપવાની સાથે સૂર્યકુમાર યાદવને શ્રીલંકા સામેની ટી-20 શ્રેણીમાં વાઇસ કેપ્ટનશિપ આપવામાં આવી છે. ત્રણ મેચોની ટી-20 શ્રેણી 3 જાન્યુઆરીથી રમાશે. આ પછી, 10 જાન્યુઆરીથી બંને દેશો વચ્ચે વનડે શ્રેણી શરૂ થશે.
હાર્દિકને મોટી જવાબદારી આપ્યા બાદ ક્રિકેટના દિગ્ગજ ખેલાડીઓ તેને આ ફોર્મેટમાં કેપ્ટન બનાવવાની માંગ કરી રહ્યા છે. ભારતીય ટીમનું ધ્યાન આ વર્ષે વર્લ્ડ ટેસ્ટ ચેમ્પિયનશિપ અને વર્ષના અંતમાં યોજાનાર 50 ઓવરના વર્લ્ડ કપ પર છે.
View this post on Instagram