ભારતીય ક્રિકેટર રાધા યાદવ પૂરમાં ફસાઈ, NDRFનો આભાર માણ્યો

ગુજરાતના અનેક વિસ્તારોમાં ભારે વરસાદ પડી રહ્યો છે. રાજ્યમાં પૂર જેવી સ્થિતિ છે. વડોદરામાં પણ વરસાદના કારણે જનજીવન ખોરવાયું છે. અને વિશ્વામિત્રી નદીના પાણીથી શહેરના નીચાણવાળા વિસ્તારોમાં પાણી ભરાયા છે.

ભારતીય ટીમની ડાબોડી સ્પિનર ​​રાધા યાદવે બુધવારે તેની ઈન્સ્ટાગ્રામ સ્ટોરી પર એક વીડિયો શેર કર્યો હતો જેમાં તેણે લખ્યું હતું કે તે ખૂબ જ ખરાબ પરિસ્થિતિમાં ફસાઈ ગઈ છે. NDRF (નેશનલ ડિઝાસ્ટર રિસ્પોન્સ ફોર્સ) એ તેમને બચાવ્યા હોવાની પણ માહિતી આપી હતી. આ વીડિયોમાં જોવા મળી રહ્યું છે કે NDRFના અધિકારીઓ બોટમાં સવાર કેટલાક લોકોને બચાવી રહ્યા છે.

રાધાએ ઈન્સ્ટાગ્રામ પર સ્ટોરી શેર કરી છે. આમાં તેણે કેપ્શન આપ્યું, ‘અમે ખૂબ જ ખરાબ પરિસ્થિતિમાં ફસાયેલા છીએ. અમને બચાવવા બદલ #NDRF નો ખૂબ ખૂબ આભાર.