ક્રિકેટમાં ધ્યાન છોડીને ભજન-કીર્તન પર ધ્યાન આપી રહ્યો કિંગ કોહલી, જુઓ

વિરાટ કોહલીનો ખરાબ તબક્કો ખતમ થવાનું નામ નથી લઈ રહ્યો. ઈંગ્લેન્ડ પ્રવાસમાં પણ કોહલીનું બેટ અત્યાર સુધી શાંત રહ્યું છે. પ્રશંસકો આ પ્રવાસની છેલ્લી મેચમાં કોહલી પાસેથી મોટી ઇનિંગ્સની આશા રાખશે.

આ મહત્વપૂર્ણ મેચ પહેલા કેટલાક ફોટા સોશિયલ મીડિયા પર ખૂબ વાયરલ થઈ રહ્યા છે. આમાં જોઈ શકાય છે કે કોહલી હવે પત્ની અનુષ્કા શર્મા સાથે ભજન-કીર્તનમાં પહોંચી ગયો છે.

વિરાટ કોહલી હાલ ઈંગ્લેન્ડના પ્રવાસે છે. આ પ્રવાસમાં તેની પત્ની અનુષ્કા શર્મા પણ તેની સાથે છે. કોહલીની પત્ની અનુષ્કા સાથેની કેટલીક તસવીરો સોશિયલ મીડિયા પર ખૂબ વાયરલ થઈ રહી છે, જેમાં તે લંડનમાં કૃષ્ણ દાસ કિર્તનમાં જોવા મળી રહ્યો છે. આ કીર્તનનો વીડિયો પણ ઘણો વાયરલ થઈ રહ્યો છે. તમને જણાવી દઈએ કે ટીમ ઈન્ડિયા અને ઈંગ્લેન્ડ વચ્ચે 3 મેચની વનડે સીરીઝ હાલમાં 1-1 થી બરાબર છે. શ્રેણીની છેલ્લી મેચ રવિવારે (17 જુલાઈ) રમાશે.

આ કીર્તનનું આયોજન અમેરિકન ગાયક કૃષ્ણ દાસ દ્વારા લંડનમાં કરવામાં આવ્યું હતું. તેઓ ભક્તિ ગીતો માટે જાણીતા છે. કૃષ્ણ દાસના શિષ્યોમાંથી એક હનુમાન દાસે વિરાટ કોહલી અને અનુષ્કા શર્મા સાથેની પોતાની તસવીરો ઈન્સ્ટાગ્રામ પર શેર કરી છે. હનુમાન દાસે કીર્તનનો વીડિયો પણ ઈન્સ્ટાગ્રામ પર શેર કર્યો છે. આ કાર્યક્રમનું આયોજન 14 થી 15 જુલાઈ દરમિયાન કરવામાં આવ્યું હતું. આ ODI સિરીઝની બીજી મેચ પણ લંડનમાં જ રમાઈ હતી.