મહેન્દ્ર સિંહ ધોની અને સાક્ષીએ પહાડી ગીત પર કર્યો ડાન્સ, જુઓ

ભારતીય ટીમના પૂર્વ કેપ્ટન મહેન્દ્ર સિંહ ધોની પોતાને હેડલાઈન્સથી દૂર રાખવાનું પસંદ કરે છે. ધોની સાર્વજનિક સ્થળો પર પણ બહુ દેખાતો નથી. ચાહકો તેને જોતાની સાથે જ ઘેરી લે છે. ભીડને સંભાળવી મુશ્કેલ કાર્ય બની જાય છે. કદાચ આ જ કારણથી માહીને એકાંતમાં રહેવું ગમે છે.

આ દરમિયાન તેનો એક વીડિયો સામે આવ્યો છે જેણે ફેન્સને ખુશ કરી દીધા છે. માહી તેની પત્ની સાક્ષી સાથે પહારી ગીત પર ડાન્સ કરી રહ્યો છે. મહેન્દ્ર સિંહ ધોની સ્થાનિક લોકો સાથે ડાન્સ કરતો જોવા મળે છે. આ ગીત ઈન્સ્ટાગ્રામ પર પણ ખૂબ જ લોકપ્રિય થયું હતું.

ધોની તેની પત્ની સાક્ષી સાથે ‘થુમક-થુમક’ ગીત પર ડાન્સ કરી રહ્યો છે જે ઇન્સ્ટાગ્રામ રીલ્સમાં વાયરલ થયો હતો. તેનો વાયરલ વીડિયો ચાહકોને ઘણો પસંદ આવ્યો છે. માહીનો આ વીડિયો દરેક સોશિયલ મીડિયા પ્લેટફોર્મ પર જોઈ શકાય છે. સ્થાનિક લોકોએ પણ તેની સાથે ડાન્સ કરવાની મજા માણી હતી. કહેવામાં આવી રહ્યું છે કે માહીએ ઋષિકેશમાં આ ગઢવાલી ગીત પર ડાન્સ કર્યો છે.

નોંધનીય છે કે મહેન્દ્ર સિંહ આ વખતે પણ આઈપીએલમાં રમવા માટે તૈયાર છે. તે IPLમાં ચેન્નાઈ સુપર કિંગ્સનું પ્રતિનિધિત્વ કરશે. ટીમે તેને જાળવી રાખ્યો છે. ધોનીને અનકેપ્ડ કેટેગરીમાં 4 કરોડ રૂપિયામાં જાળવી રાખવામાં આવ્યો છે.