મોન્ટી પાનેસર: અમીરની ફિલ્મ ‘લાલ સિંહ ચઢ્ઢાએ’ શીખ અને સેનાનું અપમાન કર્યું

આમિર ખાનની ફિલ્મ ‘લાલ સિંહ ચઢ્ઢા’ની રિલીઝ પહેલા જ કરીના કપૂર ખાન અલગ-અલગ કારણોસર વિવાદમાં આવી હતી. પરંતુ હવે રિલીઝ થયા બાદ પણ ફિલ્મને લઈને વિવાદ સતત વધી રહ્યો છે.

સોશિયલ મીડિયા પર ફિલ્મનો બહિષ્કાર કરવાની માંગ ઉઠી છે. હવે આ વાત પર ઈંગ્લેન્ડના પૂર્વ ક્રિકેટર મોન્ટી પાનેસર પણ કૂદી પડ્યા છે. તે આમિર ખાનની આ ફિલ્મને લઈને ગુસ્સે છે. મોન્ટીએ આ ફિલ્મના બહિષ્કારની પણ માંગણી કરી છે.

મોન્ટી પાનેસરે પોતાના ટ્વિટમાં લખ્યું છે કે ફોરેસ્ટ ગમ્પ યુએસ આર્મીમાં ફિટ બેસે છે કારણ કે અમેરિકન તે સમયે વિયેતનામ યુદ્ધ માટે લો આઈક્યુ ધરાવતા વ્યક્તિની શોધમાં હતા. પરંતુ ‘લાલ સિંહ ચઢ્ઢા’ એક એવી ફિલ્મ છે જે ભારતીય સેનાના શીખ સમુદાયનું સંપૂર્ણ અપમાન કરે છે.

આટલું જ નહીં, મોન્ટી પાનેસરે આમિર ખાનની વધુ ટીકા કરતાં લખ્યું કે, ‘લાલ સિંહ ચઢ્ઢા’માં આમિર ખાન મૂર્ખની ભૂમિકા ભજવી રહ્યો છે, ફોરેસ્ટ ગમ્પ પણ મૂર્ખ હતો. આ અપમાનજનક છે અને મોન્ટી પાનેસરે પણ લોકોને ફિલ્મનો બહિષ્કાર કરવાની અપીલ કરી છે.

એક રીતે મોન્ટી પાનેસરે ફિલ્મનો બહિષ્કાર કરવાની માંગ કરી છે તો બીજી તરફ ભારતીય ટીમના પૂર્વ ક્રિકેટર આકાશ ચોપરાએ ફિલ્મના વખાણ કર્યા છે. પરંતુ આ ફિલ્મના વખાણ કરવા પણ તેને મોંઘુ પડ્યું છે. જ્યારે આકાશે ફિલ્મને શાનદાર ગણાવી તો લોકોએ તેને ટ્રોલ કર્યો. એટલું જ નહીં ચાહકોએ તેની યુટ્યુબ ચેનલને અનસબ્સ્ક્રાઇબ કરવાનું પણ શરૂ કરી દીધું છે.