ભારતીય ક્રિકેટ ટીમ હાલમાં એશિયા કપમાં પોતાનું કૌશલ્ય બતાવી રહી છે. ટીમ ઈન્ડિયા આ ટૂર્નામેન્ટમાં બે મેચ રમી છે. ભારતે પાકિસ્તાન સામે પ્રથમ મેચ રમી હતી જે વરસાદને કારણે રદ થઈ હતી, જ્યારે ટીમ ઈન્ડિયાએ નેપાળ સામે બીજી મેચ રમી હતી જેમાં ટીમે શાનદાર જીત મેળવી હતી.
આ ટૂર્નામેન્ટની વચ્ચે હવે ટીમ ઈન્ડિયાના કેપ્ટન રોહિત શર્માનો એક મોટો ફેન સામે આવ્યો છે. જેણે રોહિત શર્માની સુંદર પેઈન્ટિંગ બનાવી છે. રોહિતના આ ફેનનો વીડિયો સોશિયલ મીડિયા પર ઝડપથી વાયરલ થઈ રહ્યો છે.
ટ્વિટર યુઝરે પોતાના ઓફિશિયલ એકાઉન્ટ પરથી એક વીડિયો શેર કર્યો છે. આ વીડિયોમાં તે ટીમ ઈન્ડિયાના કેપ્ટન રોહિત શર્માને ખૂબ જ ઝડપથી પેઈન્ટ કરતો જોવા મળી રહ્યો છે. આ માટે તેણે વાદળી રંગનો ઉપયોગ કર્યો છે. વિડિયોની શરૂઆતથી જ એ કહેવું ઘણું મુશ્કેલ છે કે રોહિત શર્માનો આ ફેન અને એક તેજસ્વી કલાકાર શું બનાવી રહ્યો છે. પરંતુ થોડી જ વારમાં તે રોહિતનું એક અદ્ભુત પેઈન્ટિંગ તૈયાર કરે છે.
Beautiful painting of Captain Rohit Sharma 🥹❤️ pic.twitter.com/bbr03pWtj4
— Ishu (@PocketDynamoo) September 6, 2023