ભારતીય ક્રિકેટ ટીમના નવા મુખ્ય કોચ રાહુલ દ્રવિડના માર્ગદર્શન હેઠળ ટીમ ઈન્ડિયાએ ટી-20 શ્રેણીમાં ક્લીન સ્વીપ કરીને દ્રવિડ યુગની શરૂઆત કરી છે. જોકે દ્રવિડ આગામી બે વર્ષ સુધી ટીમનો કોચ રહેશે.
તેણે અગાઉ શ્રીલંકાના પ્રવાસ દરમિયાન ટીમને કોચિંગ આપ્યું હતું, પરંતુ હવે તે પૂર્ણ સમયના ધોરણે ટીમના કોચ બન્યા છે. આંતરરાષ્ટ્રીય ક્રિકેટમાંથી નિવૃત્તિ લીધાના નવ વર્ષ પછી પણ દ્રવિડની ફેન ફોલોઈંગ ખૂબ જ મોટી છે. સામાન્ય ચાહકો જ નહીં પરંતુ બોલિવૂડની કેટલીક સુંદરીઓ પણ તેના દિવાના છે. આ લિસ્ટમાં બોલિવૂડ એક્ટ્રેસ રિચા ચઢ્ઢાનું નામ પણ સામેલ છે, જેણે દ્રવિડને પોતાનો પહેલો પ્રેમ ગણાવ્યો છે.
રિચા ચઢ્ઢાએ ટાઈમ્સ ઓફ ઈન્ડિયાને જણાવ્યું કે તે હવે નિયમિત ક્રિકેટ જોતી નથી, પરંતુ કેટલીકવાર તે ફક્ત દ્રવિડને જોવા માટે તેના ભાઈ સાથે મેચ જોતી હતી. ચઢ્ઢાએ કહ્યું કે જ્યારે દ્રવિડ નિવૃત્ત થયો ત્યારે તેણે ક્રિકેટ જોવાનું બંધ કરી દીધું હતું. ચઢ્ઢાએ કહ્યું, “હું મારા બાળપણના દિવસોમાં ક્રિકેટનો મોટો ચાહક ન હતી. હા, મારો ભાઈ ક્રિકેટ રમતો હતો. એક સમય હતો જ્યારે હું ટીવી પર ક્રિકેટ મેચ જોતી હતી. મને રાહુલ દ્રવિડને રમતા જોવાનું પસંદ હતું. તેણે ટીમ છોડ્યા પછી મેં ક્રિકેટને ફોલો કરવાનું બંધ કરી દીધું. મારો પહેલો પ્રેમ રાહુલ દ્રવિડ છે.
દ્રવિડે ટી-20 વર્લ્ડ કપ 2021 પૂરા થયા બાદ ભારતીય ટીમના કોચની જવાબદારી સંભાળી છે. ટીમ ઈન્ડિયાના ‘મિસ્ટર વોલ’ તરીકે પ્રખ્યાત, દ્રવિડે ભારત માટે 164 ટેસ્ટ અને 344 વન-ડે ઈન્ટરનેશનલ રમી છે, જેમાં તેણે અનુક્રમે 13,288 અને 10,889 રન બનાવ્યા છે.