બેન સ્ટોક્સ મેદાન પર પાછો ફરવા જઇ રહ્યો છે, ત્રણ વર્ષ બાદ આ ટી-20 શ્રેણી રમશે

ટી -20 બ્લાસ્ટમાં ત્રણ વર્ષમાં આ 30 વર્ષ જુના સ્ટોક્સની પહેલી મેચ હશે…

ઇંગ્લેન્ડનો ઓલરાઉન્ડર બેન સ્ટોક્સ ટી -20 બ્લાસ્ટમાં ડરહામ તરફથી રમતી વખતે આવતા અઠવાડિયે સ્પર્ધાત્મક ક્રિકેટમાં વાપસી કરી શકે છે. ઇજાના કારણે સ્ટોક્સ હાલમાં ન્યુઝીલેન્ડ સાથે ચાલી રહેલી ટેસ્ટ શ્રેણીમાંથી બહાર છે.

ઇંગ્લેન્ડ અને વેલ્સ ક્રિકેટ બોર્ડે (ઇસીબી) હજી સ્ટોક્સની વાપસી અંગે માહિતી આપી નથી. પરંતુ તેમનો લક્ષ્યાંક 14 જૂને લેન્કેશાયર સામેની બીજી ઇલેવન ટી 20 મેચમાં પાછા ફરવાનો છે. ડરહામ પાસે ટી 20 બ્લાસ્ટમાં રમવા માટે હજી વધુ ચાર મેચ બાકી છે અને સ્ટોક્સ તેમાં વાપસી કરી શકે છે.

ટી-20 બ્લાસ્ટમાં ત્રણ વર્ષમાં આ 30 વર્ષ જુના સ્ટોક્સની પહેલી મેચ હશે. ઈજાના કારણે તે આઈપીએલ 2021 થી રાજસ્થાન રોયલ્સની ટીમની બહાર હતો અને તે પછી તેને આંગળીની સર્જરી કરાવવી પડી હતી. ઓલરાઉન્ડરે તાજેતરમાં જ કહ્યું હતું કે તે આંગળીની ઈજાથી બરાબર સ્વસ્થ થઈ રહ્યો છે, જેના માટે તેની સર્જરી કરાઈ હતી.