ચેતેશ્વર પૂજારાને મળી ઈંગ્લેન્ડની આ ટીમની કેપ્ટન્સી, પ્રથમ મેચમાં ફટકારી સદી

ભારતીય ક્રિકેટ ટીમના અનુભવી બેટ્સમેન ચેતેશ્વર પૂજારાએ કાઉન્ટી ક્રિકેટમાં પોતાનો સિલસિલો જારી રાખ્યો છે. ધમાકેદાર બેટ્સમેનના દમ પર ભારતીય ટીમમાં વાપસી કર્યા બાદ હવે તેને ઈંગ્લેન્ડની કાઉન્ટી ટીમની કેપ્ટનશીપ મળી ગઈ છે.

સસેક્સ માટે કાઉન્ટી ડિવિઝન 2 મેચમાં, તે મંગળવારે કેપ્ટન તરીકે રમવા માટે બહાર આવ્યો હતો. પ્રથમ દિવસની રમતમાં તેની ટીમે 4 વિકેટે 328 રન બનાવ્યા હતા. પૂજારા 115 અને ઓલિવર કાર્ટર 5 રન સાથે નોટ આઉટ રહ્યા.

ભારતીય દિગ્ગજ પુજારાએ ઈંગ્લેન્ડ સામે ટેસ્ટ મેચ રમ્યા બાદ તે જ કાઉન્ટી ક્લબ માટે રમવાનું ચાલુ રાખ્યું છે. તેને મંગળવારે કાઉન્ટી ડિવિઝન 2 મેચમાં સસેક્સના કેપ્ટન તરીકે તક આપવામાં આવી હતી. અહીં ટોસ કરતી વખતે તેની હાર થઈ અને ટીમને બેટિંગ કરવાનું આમંત્રણ મળ્યું. તેણે મેચના પહેલા દિવસે સદી રમીને સસેક્સને મજબૂત બનાવી હતી.

મિડલસેક્સની ટીમ સામે ટોસ હાર્યા બાદ સસેક્સની શરૂઆત સારી રહી ન હતી. અલી માત્ર 7 રન બનાવીને પરત ફર્યો હતો. આ પછી ટોમ ક્લાર્કસે પણ 33 રનમાં પોતાની વિકેટ ગુમાવી દીધી હતી. બીજી વિકેટ પડ્યા પછી, પૂજારા ટોમ ઈસોપ સાથે બેટિંગ કરવા આવ્યો અને ટીમને મુશ્કેલીમાંથી બહાર કાઢવા માટે 219 રનની શાનદાર ભાગીદારી કરી. તેણે પ્રથમ દિવસે 182 બોલમાં 10 ચોગ્ગા અને 1 છગ્ગાની મદદથી અણનમ 115 રન બનાવ્યા હતા.

Pujara doing what he does best, scoring runs. 💯@cheteshwar1 👏 pic.twitter.com/NiKOkV6dct

— Sussex Cricket (@SussexCCC) July 19, 2022

આ સિઝનમાં કાઉન્ટીમાં રમતા પૂજારાની આ પાંચમી સદી હતી. તેમાંથી તેણે બે વખત પોતાની સદીની ઇનિંગ્સને બેવડી સદીમાં પરિવર્તિત કરી છે. તે જ સમયે, 170 રનનો સ્કોર બનાવ્યો, જે તેની અણનમ ઇનિંગ હતી.