ઈન્ડિયન પ્રીમિયર લીગ (IPL) 2026 શરૂ થવામાં હવે માત્ર ગણતરીના દિવસો બાકી છે અને ક્રિકેટ ચાહકોમાં ઉત્સાહ ચરમસીમાએ છે. આ દરમિયાન Kolkata Knight Riders (KKR)ના એક પૂર્વ ખેલાડીએ પોતાની બેટિંગથી બધાનું ધ્યાન ખેંચ્યું છે.
22 વર્ષીય યુવા ઓપનર આર્ય દેસાઈએ T20 ક્રિકેટમાં ધમાકેદાર પ્રદર્શન કરી બધાને આશ્ચર્યચકિત કરી દીધા છે. ખાસ વાત એ છે કે, KKRએ આ ખેલાડીને ગયા સીઝનમાં પોતાની ટીમમાં સામેલ કર્યો હતો, પરંતુ તેને રમવાની તક મળી નહોતી અને બાદમાં તેમને રિલીઝ કરી દેવામાં આવ્યા હતા.
Surat Cricket League 2026માં 20 માર્ચે લુથરા પેગાસસ અને કૈલાશ સ્પોર્ટ્સ ક્લબ વચ્ચે રમાયેલા મુકાબલામાં આર્યા દેસાઈએ બેટિંગનો કહેર વરસાવ્યો. લુથરા પેગાસસના કેપ્ટન તરીકે ઓપનિંગ કરતા તેણે ટીમ માટે જીતાડી ઇનિંગ્સ રમી.
આર્યા દેસાઈએ માત્ર 81 બોલમાં અણનમ 193 રન ફટકાર્યા, જેમાં 14 છગ્ગા અને 21 ચોગ્ગાનો સમાવેશ થાય છે. તેની સ્ટ્રાઈક રેટ 238.27 રહી હતી. આ સાથે તેણે સત્તાવાર માન્યતા પ્રાપ્ત T20 લીગમાં સૌથી મોટું વ્યક્તિગત સ્કોર બનાવવાનો રેકોર્ડ પણ પોતાના નામે કર્યો.
આર્યા દેસાઈની આ તોફાની પારીના આધારે લુથરા પેગાસસે 20 ઓવરમાં 3 વિકેટે 267 રન બનાવ્યા. જવાબમાં કૈલાશ સ્પોર્ટ્સ ક્લબ માત્ર 174 રન સુધી જ સીમિત રહી અને આખી ટીમ 20 ઓવરમાં 9 વિકેટે ઓલઆઉટ થઈ ગઈ. આ રીતે લુથરા પેગાસસે 93 રનના મોટા અંતરથી જીત નોંધાવી.
આ પ્રદર્શન બાદ KKR ટીમ મેનેજમેન્ટને જરૂર વિચાર આવતો હશે કે તેમણે આ યુવા પ્રતિભાને વહેલી તકે છોડીને ભૂલ કરી છે.
🔥 A Star in the Making – Aarya Desai’s Record-Breaking Knock! 🔥
At just 22 years of age, Gujarat’s very own Aarya Desai has delivered a breathtaking performance that echoes across the cricketing circuit! 💥
Representing Gujarat in prestigious tournaments like the Ranji Trophy… pic.twitter.com/CmZZePUePH— Gujarat Cricket Association (Official) (@GCAMotera) March 20, 2026