ભારતીય ટીમમાં જગ્યા ન મળતા, પૃથ્વી શો હવે આ દેશની ટીમ સાથે રમશે

ભારતના ઓપનર પૃથ્વી શૉ નોર્થમ્પટનશાયર કાઉન્ટી ક્રિકેટ ક્લબ સાથે કાઉન્ટી ડેબ્યૂ કરવા માટે તૈયાર છે. ભારતીય ટીમનો 23 વર્ષીય ઓપનર પૃથ્વી શો ઈંગ્લેન્ડમાં કાઉન્ટી રમતા જોવા મળશે.

NCCCના ચીફ એક્ઝિક્યુટિવ રે પેને જણાવ્યું હતું કે પૃથ્વી રવિવારે યુકે પહોંચ્યો હતો અને શુક્રવાર, ઓગસ્ટ 4 થી શરૂ થઈ રહેલા ODI કપમાં ભાગ લેશે. જેની સત્તાવાર જાહેરાત આજે કરવામાં આવશે. અહેવાલમાં જણાવાયું છે કે શૉએ BCCI પાસેથી NOC મેળવ્યું છે અને બાદમાં તેને પુડુચેરીમાં ચાલી રહેલી દેવધર ટ્રોફી ઇન્ટર-ઝોનલ ODI ચેમ્પિયનશિપને છોડવાની મંજૂરી આપવામાં આવી હતી. વન-ડે કપ એ ઈંગ્લેન્ડ અને વેલ્સ ક્રિકેટ બોર્ડની સ્થાનિક સર્કિટમાં 50-ઓવરની સ્પર્ધા છે.

નોર્થમ્પ્ટનશાયર સ્ટીલબેક્સ શુક્રવારે ચેલ્ટનહામ કોલેજ, ચેલ્ટનહામ ખાતે ગ્લોસ્ટરશાયર સામે તેની પ્રથમ મેચ રમે છે. 23 વર્ષીય શૉ સ્ટીલબેક્સ ટીમમાં ડેવિડ વિલી અને એન્ડ્રુ ટાય જેવા ખેલાડીઓ સાથે જોડાશે. શૉએ 18 વર્ષની ઉંમરે વેસ્ટ ઈન્ડિઝ સામે સદી ફટકારીને આંતરરાષ્ટ્રીય ક્રિકેટમાં શાનદાર પદાર્પણ કર્યું હતું. પરંતુ તે પછી આ બેટ્સમેન પોતાની લયથી ભટકી ગયો. તે યાદગાર ઇનિંગ્સ પછી, શૉ ભારત માટે છ વનડે અને એક T20 ઇન્ટરનેશનલ સિવાય માત્ર ચાર ટેસ્ટ મેચ રમ્યો છે.