પાકિસ્તાની બોલરની જીવલેણ બોલિંગ, રસેલને સ્ટ્રેચર પર હોસ્પિટલમાં લઈ જવું પડ્યું

રસેલે મુસાને છેલ્લા બે બોલમાં બે સિક્સર ફટકારી હતી..

વેસ્ટ ઇન્ડીઝનો ખેલાડી આંદ્રે રસેલ ટી-20 ક્રિકેટમાં સૌથી વિસ્ફોટક બેટ્સમેન છે. તે કોઈપણ બોલર સામે લાંબી સિક્સર ફટકારી શકે છે. શુક્રવારે પાકિસ્તાન સુપર લીગમાં ક્વેટા ગ્લેડીયેટર્સ અને ઇસ્લામાબાદ યુનાઇટેડ મેચમાં રસેલને જીવલેણ ઈજા થઈ હતી.

આ ઘટના ગ્લેડીયેટર્સની ઇનિંગની 14મી ઓવરમાં બની હતી જ્યારે જમાઇકન ક્રિકેટરને ઇસ્લામાબાદના ઝડપી બોલર મુહમ્મદ મુસાના બાઉન્સર દ્વારા રસેલના હેલ્મેટ પર જોરદાર ફટકો પડ્યો હતો. આ પહેલા રસેલે મુસાને છેલ્લા બે બોલમાં બે સિક્સર ફટકારી હતી.

ઈજા બાદ, રસેલ બેટિંગ ફરી શરૂ કરતા પહેલા મેડિકલ ટીમ દ્વારા તેનું ચેકઅપ કરાવ્યું. દુર્ભાગ્યે, રસેલ લાંબા સમય સુધી બેટિંગ કરી શક્યો નહીં, તે પછીના જ બોલ પર આઉટ થયો. ઇસ્લામાબાદની ઇનિંગની પહેલી ઓવરમાં જ રસેલને સ્ટ્રેચર પર ડ્રેસિંગ રૂમમાંથી હોસ્પિટલમાં લઈ જવામાં આવ્યો હતો. આવી સ્થિતિમાં નસીમ શાહે તેમનું સ્થાન લીધું હતું.

મેચ દરમિયાન રસેલની ટીમને કારમી હારનો સામનો કરવો પડ્યો. તેની ટીમે 133 રન બનાવ્યા હતા, જે ઇસ્લામાબાદએ કોલિન મનરોની શાનદાર ઇનિંગ્સ દ્વારા 10 ઓવરમાં હાંસલ કરી હતી.