પાકિસ્તાન સુપર લીગમાં રોહિત શર્માનું પોસ્ટર લહેરાવ્યું, જુઓ તસવીર

ભારતીય ક્રિકેટ ટીમના કેપ્ટન રોહિત શર્માના સમગ્ર વિશ્વમાં ચાહકો છે. તેની ઝલક પાકિસ્તાનમાં પીએસએલ મેચ દરમિયાન પણ જોવા મળી હતી. લાઈવ મેચ દરમિયાન એક પાકિસ્તાની પ્રશંસકે રોહિત શર્માનું પોસ્ટર લહેરાવ્યું હતું.

ફેન્સની આ તસવીર સોશિયલ મીડિયા પર ઝડપથી વાયરલ થઈ રહી છે. બુધવારે મુલ્તાન સ્ટેડિયમમાં પાકિસ્તાન સુપર લીગમાં મુલ્તાન સુલ્તાન અને ક્વેટા ગ્લેડીયેટર્સ વચ્ચે મેચ રમાઈ રહી હતી. આ દરમિયાન રોહિતનો ફેન સ્ટેડિયમમાં તેનું પોસ્ટર બતાવતો જોવા મળ્યો હતો.

તમને જણાવી દઈએ કે આ પહેલા ડિસેમ્બર 2022માં ઈંગ્લેન્ડ અને પાકિસ્તાન વચ્ચે રમાયેલી ટેસ્ટ સિરીઝમાં વિરાટ કોહલીનો ક્રેઝ હતો. મુલતાનમાં રમાયેલી ટેસ્ટ મેચમાં એક પાકિસ્તાની પ્રશંસક કોહલીના સમર્થનમાં સ્ટેડિયમમાં એક બેનર લાવ્યો હતો, જેમાં લખ્યું હતું, ‘અમે તમને અમારા રાજા બાબર કરતા પણ વધુ પ્રેમ કરીએ છીએ. તે તસવીર પણ ખૂબ જ ઝડપથી વાયરલ થઈ હતી.