બીજા દિવસની રમતના અંતે નાગાલેન્ડ સામેની પ્રી-ક્વાર્ટર ફાઈનલ મેચમાં ઝારખંડે 9 વિકેટે 769 રનનો વિશાળ સ્કોર બનાવ્યો હતો. ઝારખંડ માટે 17 વર્ષીય વિકેટ કીપર બેટ્સમેન કુમાર કુશાગ્રાએ શાનદાર બેવડી સદી ફટકારી હતી.
આ ઇનિંગમાં તેણે 37 ફોર અને 2 સિક્સર ફટકારી હતી. પ્રથમ દિવસના અંતે ઝારખંડનો સ્કોર 5 વિકેટે 402 રન હતો જેમાં શારાગ્રાના અણનમ 112 રન હતા. ફર્સ્ટ ક્લાસ ક્રિકેટમાં આ તેની પ્રથમ બેવડી સદી છે. 2020માં તે અંડર-19 ટીમનો ભાગ હતો. તે સૌથી વધુ સ્કોર બનાવવાના મામલે ઝારખંડનો બીજો બેટ્સમેન બની ગયો છે. ઈશાન કિશન નંબર વન પર છે, જેણે 2016માં દિલ્હી સામે 273 રન બનાવ્યા હતા.
The batting blitz continues! 👍 👍
2⃣5⃣0⃣ up for Kumar Kushagra. 👏 👏
Jharkhand move closer to the 650-run mark against Nagaland.
Follow the match ▶️ https://t.co/Ng12bRPPu5#RanjiTrophy | #PQF | #JHAvNAG | @Paytm pic.twitter.com/iK52BVLlzr
— BCCI Domestic (@BCCIdomestic) March 13, 2022
ડાબોડી સ્પિન બોલર શાહબાઝ નદીમે પણ પોતાની કારકિર્દીની સર્વશ્રેષ્ઠ ઇનિંગ્સમાં 123 રન બનાવ્યા હતા. તેઓ હજુ પણ અજેય છે. તેણે પોતાની ઇનિંગમાં 14 ચોગ્ગા અને 1 છગ્ગા ફટકાર્યા હતા. નદીમ અને કુશાગ્રાએ 7મી વિકેટ માટે 166 રનની મજબૂત ભાગીદારી કરી અને ઝારખંડને મોટા ટોટલ સુધી પહોંચાડ્યું.
આ બંને સિવાય વિરાટ સિંહે પણ 107 રનની શાનદાર ઇનિંગ રમી હતી. બીજા દિવસની રમતના અંત સુધીમાં ઝારખંડે 9 વિકેટના નુકસાને 769 રન બનાવ્યા હતા. શાહબાઝ નદીમ 123 રન અને રાહુલ શુક્લા 29 રને ક્રિઝ પર હાજર છે.