રણજી ટ્રોફી 2022-23 શરૂ થઈ ગઈ છે. રોહતકના ચૌધરી બંસીલાલ ક્રિકેટ સ્ટેડિયમમાં હરિયાણા અને હિમાચલ વચ્ચે રમાઈ રહેલી પ્રથમ મેચમાં હિમાચલના બોલરોની સામે હરિયાણાની ટીમ 20.4 ઓવરમાં માત્ર 46 રનમાં જ ઓલઆઉટ થઈ ગઈ હતી.
હિમાચલની બોલિંગની હાલત એવી હતી કે હરિયાણાની ટીમના 10 બેટ્સમેન ડબલ ફિગરને પણ સ્પર્શી શક્યા ન હતા. હરિયાણા તરફથી નિશાંત સિંધુએ સૌથી વધુ 19 રનની ઇનિંગ રમી હતી. ચાર બેટ્સમેન ખાતું પણ ખોલાવી શક્યા ન હતા. શિવમ ચૌહાણ, જયંત યાદવ, અંશુલ કંબોજ અને અજીત ચહલ જેવા ખેલાડીઓ એકપણ રન બનાવ્યા વગર આઉટ થઈ ગયા હતા.
હિમાચલના બોલર વૈભવ અરોરા અને સિદ્ધાર્થ શર્માએ મળીને 7 વિકેટ ઝડપી હતી. વૈભવે માત્ર 7 ઓવરમાં 15 રન આપીને ચાર વિકેટ ઝડપી હતી. વૈભવ સિવાય સિદ્ધાર્થ શર્માએ 7.4 ઓવરમાં માત્ર 12 રન આપીને 3 વિકેટ લીધી હતી.
મેચની વાત કરીએ તો હરિયાણાના કેપ્ટન હિમાંશુ રાણાએ ટોસ જીતીને પહેલા બેટિંગ કરવાનો નિર્ણય કર્યો, પરંતુ તેના બેટ્સમેન આ નિર્ણયને યોગ્ય સાબિત કરી શક્યા નહીં. 46 રનનો જવાબ પ્રથમ દિવસની રમતના અંત સુધીમાં હિમાચલ પ્રદેશની ટીમે 1 વિકેટ ગુમાવીને 246 રન બનાવી લીધા છે અને 200 રનની મહત્વની લીડ પણ મેળવી લીધી છે.
હિમાચલ પ્રદેશ તરફથી પ્રશાંત ચોપરાએ 137 રનની ઇનિંગ રમી હતી. તેણે પોતાની ઇનિંગમાં 16 ફોર અને 4 સિક્સર ફટકારી હતી. રાઘવ ધવન 86 રને અણનમ છે અને અંકિત કલસી પ્રથમ દિવસની રમતના અંત સુધી 15 રને અણનમ છે.