રણજી ટ્રોફી 2021-22ની ચાર સેમી ફાઇનલિસ્ટ ટીમો નક્કી કરવામાં આવી છે. શુક્રવારે બંગાળ અને ઝારખંડ વચ્ચે રમાઈ રહેલી મેચ ડ્રોમાં સમાપ્ત થઈ હતી.
રમતના અંત સુધીમાં બંગાળની ટીમે 7 વિકેટે 318 રન બનાવી લીધા હતા. બંગાળની બીજી ઇનિંગમાં બંગાળના રમત મંત્રી મનોજ તિવારી આકર્ષણનું કેન્દ્ર રહ્યા હતા, જેમણે 185 બોલમાં 136 રન બનાવ્યા હતા. તેણે પ્રથમ દાવમાં 73 રન બનાવ્યા હતા. આ સાથે રણજી ટ્રોફી 2021-22ના ચાર સેમી ફાઇનલિસ્ટના નામ નક્કી કરવામાં આવ્યા છે.
ઉત્તર પ્રદેશ, મધ્યપ્રદેશ અને મુંબઈની ટીમો પહેલાથી જ સેમિફાઈનલમાં પહોંચી ગઈ છે. ઉત્તર પ્રદેશે કર્ણાટકને 5 વિકેટે, મધ્ય પ્રદેશે પંજાબને 10 વિકેટથી હરાવ્યું જ્યારે મુંબઈએ ઉત્તરાખંડને 725 રનથી હરાવીને ઐતિહાસિક જીત નોંધાવી. ફર્સ્ટ ક્લાસ ક્રિકેટમાં કોઈ ટીમ આટલી મોટી જીત હાંસલ કરી શકી નથી, પરંતુ પૃથ્વી શોની કપ્તાનીમાં ટીમે આ રેકોર્ડ પોતાના નામે કર્યો છે. મુંબઈ તરફથી સુવેદ પારકરે 252 જ્યારે સરફરાઝ ખાને 153 રન બનાવ્યા હતા.
14 થી 18 જૂન દરમિયાન સેમી ફાઈનલ મેચો રમાશે. પ્રથમ સેમિફાઇનલ મેચમાં બંગાળનો મુકાબલો મધ્યપ્રદેશ સાથે થશે. આ મેચ કેએસસીએ ક્રિકેટ ગ્રાઉન્ડ, અલુરમાં રમાશે. બીજી સેમિફાઇનલ મેચ મુંબઈ અને ઉત્તર પ્રદેશ વચ્ચે રમાશે. આ મેચ જસ્ટ ક્રિકેટ એકેડમી, બેંગ્લોરમાં રમાશે.
ફાઈનલ મેચ 22-26 જૂન વચ્ચે રમાશે. આ મેચ એમ ચિન્નાસ્વામી સ્ટેડિયમમાં રમાશે. અહીં નોંધનીય બાબત એ છે કે આ મેચ બાયો-બબલ હેઠળ થશે એટલે કે પ્રેક્ષકોની એન્ટ્રી શક્ય નહીં હોય.
Quarterfinals done ✅
Onto the @Paytm #RanjiTrophy Semifinals NOW 👏 👏 pic.twitter.com/IBuRNSWx1p
— BCCI Domestic (@BCCIdomestic) June 10, 2022