ટીમ ઈન્ડિયા હાલ બાંગ્લાદેશ સામે ટી-20 સિરીઝ રમી રહી છે. આ શ્રેણીની વચ્ચે દેશની સૌથી પ્રતિષ્ઠિત ડોમેસ્ટિક ટુર્નામેન્ટ રણજી ટ્રોફી પણ શરૂ થઈ રહી છે. બંગાળે રણજી ટ્રોફીની પ્રારંભિક મેચો માટે પોતાની ટીમની જાહેરાત કરી છે.
બંગાળની 19 સભ્યોની ટીમની જાહેરાત કરવામાં આવી છે. આ ટીમમાં યુવા સેન્સેશન આકાશ દીપનો સમાવેશ કરવામાં આવ્યો છે. જોકે ટીમ ઈન્ડિયાના સ્ટાર બોલર મોહમ્મદ શમીને ટીમમાં સ્થાન મળ્યું નથી.
મોહમ્મદ શમીનું નામ બંગાળની 19 સભ્યોની ટીમમાં નથી. મોહમ્મદ શમી 19 નવેમ્બર 2023ના રોજ ODI વર્લ્ડ કપ ફાઈનલ બાદથી ક્રિકેટના મેદાનથી દૂર છે. એવી આશા હતી કે તે ઓસ્ટ્રેલિયા સામેની ટેસ્ટ શ્રેણી દરમિયાન ટીમ ઈન્ડિયામાં વાપસી કરી શકે છે. મોહમ્મદ શમી તે પ્રવાસ પહેલા પોતાની ફિટનેસ સાબિત કરવા માટે કેટલીક રણજી ટ્રોફી મેચ રમી શકે છે. પરંતુ તેને પ્રથમ બે મેચમાં સામેલ કરવામાં આવ્યો નથી.
શમીનો ભાઈ મોહમ્મદ કૈફ બંગાળની ટીમનો ભાગ છે. તમને જણાવી દઈએ કે રણજી ટ્રોફી 11 ઓક્ટોબરથી શરૂ થઈ રહી છે. જેમાં બંગાળ પોતાની પ્રથમ મેચ ઉત્તર પ્રદેશ સામે લખનૌમાં રમવાની છે. ક્રિકેટ એસોસિએશન ઓફ બંગાળ (CAB) સાથેના મતભેદો ઉકેલ્યા બાદ સાહા પણ બંગાળની ટીમમાં પરત ફર્યો છે. સાહાએ બંગાળની ટીમ સાથે ઘરેલું કરિયર પૂર્ણ કરવાની ઈચ્છા વ્યક્ત કરી હતી. ટીમ ઈન્ડિયાના ફાસ્ટ બોલર મુકેશ કુમારનું નામ પણ ટીમમાં નથી.
રણજી ટ્રોફી 2024-25 માટે બંગાળની ટીમ: અભિષેક પોરેલ (wk), સુદીપ ચેટર્જી, અભિમન્યુ ઇશ્વરન, રિદ્ધિમાન સાહા (wk), હૃતિક ચેટર્જી, શાહબાઝ અહેમદ, આકાશ દીપ, અનુસ્તુપ મજુમદાર (c), આમિર ગની, સુદીપ કુમાર ઘરામી, A ઘોષ, સૂરજ સિંધુ જયસ્વાલ, મોહમ્મદ કૈફ, મુકેશ કુમાર, પ્રદિપ્તા પ્રામાણિક, રિશવ વિવેક, રોહિત કુમાર, શુભમ ડે, યુધાજીત ગુહા.