યુવા બેટ્સમેન મુશીર ખાને રણજી ટ્રોફીમાં વિસ્ફોટક બેવડી સદી ફટકારી છે. બરોડા સામેની ક્વાર્ટર ફાઈનલ મેચમાં મુંબઈના 18 વર્ષના મુશીર ખાને 203 રનની અણનમ ઇનિંગ રમી હતી. આ તેની કારકિર્દીની પ્રથમ બેવડી સદી છે. મુશીર ખાન સરફરાઝ ખાનનો નાનો ભાઈ છે.
મુશીર ખાને 350 બોલમાં તેની બેવડી સદી પૂરી કરી અને 357 બોલમાં 203 રન બનાવ્યા બાદ અણનમ રહ્યો. તેણે પોતાની ઇનિંગમાં 18 ચોગ્ગા ફટકાર્યા હતા. મુશીર ખાનની ઈનિંગની મદદથી મુંબઈની ટીમે બરોડા સામે પ્રથમ દાવમાં 384 રન બનાવ્યા હતા. મુશીર ખાન સિવાય હાર્દિક તામોરે 57 રનની ઇનિંગ રમી હતી અને પૃથ્વી શૉએ 33 રનની ઇનિંગ રમી હતી. મુંબઈનો કેપ્ટન અજિંક્ય રહાણે (03) ફરી ફ્લોપ રહ્યો હતો.
મુશીર ખાન તેના મોટા ભાઈ સરફરાઝ ખાનના માર્ગ પર ચાલી રહ્યો હોય તેવું લાગે છે, જેણે હાલમાં જ ટીમ ઈન્ડિયામાં જગ્યા બનાવી છે. આ મેચ પહેલા મુશીર ખાનને ફર્સ્ટ ક્લાસમાં માત્ર ત્રણ મેચ રમવાની તક મળી હતી, જેમાં તેણે 96 રન બનાવ્યા હતા. પરંતુ શિવમ દુબે ઈજાગ્રસ્ત થયા બાદ તેને મુંબઈની ટીમમાં જગ્યા મળી અને તેણે શાનદાર ઈનિંગ રમી. 18 વર્ષનો મુશીર પણ બોલિંગ કરે છે.
આપને જણાવી દઈએ કે ડોમેસ્ટિક ક્રિકેટમાં તેના જોરદાર પ્રદર્શન છતાં સરફરાઝ ખાને ટીમ ઈન્ડિયા સુધી પહોંચવા માટે લાંબી રાહ જોવી પડી હતી. મુશીર ખાનના આ પ્રદર્શન બાદ તેને ભવિષ્યનો સ્ટાર કહેવામાં આવી રહ્યો છે.
મુશીર ખાને અંડર-19 વર્લ્ડ કપમાં પણ શાનદાર પ્રદર્શન કર્યું છે. બે સદી સાથે, તે ટૂર્નામેન્ટમાં સૌથી વધુ રન બનાવનારા બેટ્સમેનોની યાદીમાં બીજા સ્થાને હતો.
Double Delight ✌️
2⃣0⃣3⃣* runs
3⃣5⃣7⃣ balls
1⃣8⃣ foursMusheer Khan played a brilliant knock of 203* (357) to help Mumbai post 384 in the 1st innings against Baroda in #QF2 at the BKC Ground in Mumbai.@IDFCFIRSTBank | #MUMvBDA | #RanjiTrophy
Relive 📽️ his fantastic knock 🔽 pic.twitter.com/2ZRKMuI6xh
— BCCI Domestic (@BCCIdomestic) February 24, 2024