શાહિદ આફ્રિદીએ ભારતીય ધ્વજ પર ઓટોગ્રાફ આપતા, ભારતીયનું દિલ જીત્યું

નિવૃત્ત ક્રિકેટરોની પ્રખ્યાત લિજેન્ડ લીગ ક્રિકેટ 2023માં અત્યાર સુધી કેટલીક રોમાંચક મેચો જોવા મળી છે. તો આ જ લીગમાં એશિયા લાયન્સના કેપ્ટન અને પાકિસ્તાન ક્રિકેટ ટીમના પૂર્વ દિગ્ગજ ક્રિકેટર શાહિદ આફ્રિદે એક ચાહકની દિલની ઈચ્છા પૂરી કરતા ભારતીય ધ્વજ પર પોતાનો ઓટોગ્રાફ આપ્યો છે.

બીજી તરફ શાહિદ આફ્રિદીનો ભારતીય ધ્વજ પર ઓટોગ્રાફ આપતો વીડિયો સોશિયલ મીડિયા પર વાયરલ થઈ રહ્યો છે. જેમાં તે જ્યારે બસમાં ચઢી રહ્યો હતો ત્યારે એક ચાહકે આફ્રિદીને ભારતીય ધ્વજ પર પોતાનો ઓટોગ્રાફ આપવાનું કહ્યું હતું.

તો આ પછી આફ્રિદી ભારતીય તિરંગા પર પોતાનો ઓટોગ્રાફ આપે છે અને તે ચાહકની વેસ્ટ પર પોતાનો ઓટોગ્રાફ પણ આપે છે. તો સાથે જ આ ઘટનાનો વીડિયો સોશિયલ મીડિયા પર જોરદાર વાયરલ થઈ રહ્યો છે.

વર્તમાન લિજેન્ડ લીગ ક્રિકેટ સીઝનની અંતિમ મેચ 20 માર્ચે વેસ્ટ એન્ડ પાર્ક ઇન્ટરનેશનલ ક્રિકેટ સ્ટેડિયમ, દોહા ખાતે શાહિદ આફ્રિદીની આગેવાની હેઠળની એશિયા લાયન્સનો શેન વોટસનની આગેવાની હેઠળના વર્લ્ડ જાયન્ટ્સ સામે થશે.

તમને જણાવી દઈએ કે એશિયા લાયન્સની ટીમ એલિમિનેટરમાં ઈન્ડિયા મહારાજાને 85 રને હરાવીને ફાઈનલ મેચમાં પહોંચી ગઈ છે, જ્યારે ટીમને લીગની ફાઈનલ જીતવા માટે પણ પ્રબળ દાવેદાર માનવામાં આવી રહી છે.

ઉલ્લેખનીય છે કે, શાહિદ આફ્રિદી સિવાય ટીમમાં સોહેલ તનવીર, મોહમ્મદ હફીઝ, ટી દિલશાન અને શોએબ અખ્તક જેવા ખેલાડીઓ હાજર છે. વેલ, એ જોવું રસપ્રદ રહેશે કે શાહિદ આફ્રિદીની એશિયા લાયન્સ લિજેન્ડ લીગ ક્રિકેટની ફાઇનલ મેચમાં કેવી રીતે ચાલે છે.