WBBLમાં સ્મૃતિ મંધાનાની પ્રથમ સદી, પણ પોતાની ટીમને જીત ન અપાવી શકી

ભારતીય બેટ્સમેન સ્મૃતિ મંધાનાએ ઓસ્ટ્રેલિયાની મહિલા બિગ બેશ લીગમાં શાનદાર પ્રદર્શન કરતા સદી ફટકારી હતી. સ્મૃતિએ મેલબોર્ન સામે રમાયેલી મેચમાં 64 બોલમાં 14 ચોગ્ગા અને ત્રણ છગ્ગાની મદદથી 114 રન બનાવ્યા હતા પરંતુ તે પોતાની ટીમને જીત અપાવી શકી નહોતી.

આ સમયગાળા દરમિયાન સ્મૃતિનો સ્ટ્રાઈક રેટ 178 હતો. તેણે વિકેટકીપર તાહિલા વિલ્સન સાથે 125 રનની ભાગીદારી કરી હતી. પરંતુ છેલ્લી ઓવરમાં બંને બેટ્સમેન 13 રન બનાવી શક્યા ન હતા, જેના કારણે મેલબોર્ન ચાર રને મેચ જીતી ગયું હતું.

મેલબોર્ન તરફથી રમતા ભારતીય ક્રિકેટર હરમનપ્રીત કૌરે પણ ટીમને મજબૂત સ્થિતિમાં પહોંચાડી હતી. મેલબોર્નની પ્રથમ બે વિકેટ માત્ર 9 રનમાં ગુમાવી દીધી હતી. પરંતુ તે પછી હરમનપ્રીતે જોન્સ સાથે મળીને સ્કોરને આગળ ધપાવ્યો હતો. જોન્સે 33 બોલમાં છ ચોગ્ગા અને એક છગ્ગાની મદદથી 42 રન બનાવ્યા હતા. તે જ સમયે, હરમનપ્રીતે 55 બોલમાં 11 ચોગ્ગા અને બે છગ્ગાની મદદથી 81 રન બનાવ્યા હતા.

ખાસ વાત એ હતી કે છેલ્લી ઓવરમાં જ્યારે સિડનીને જીતવા માટે 13 રનની જરૂર હતી ત્યારે હરમનપ્રીતે બોલિંગ કરી. તેણે તેની ઓવરમાં માત્ર આઠ રન આપ્યા ને કારણ કે મેલબોર્ન 4 રનથી મેચ જીતી ગયું.