ભારત તરફથી 182 રનના મોટા લક્ષ્ય સામે શ્રીલંકાની શરૂઆત સારી રહી હતી…
રોડ સેફટી વર્લ્ડ સિરીઝની અંતિમ મેચમાં ઈન્ડિયા લિજેન્ડ્સની ટીમે શ્રીલંકા લિજેન્ડ્સને 14 રને હરાવીને ટાઇટલ મેળવ્યું હતું. ટૂર્નામેન્ટમાં બેટથી શાનદાર પ્રદર્શન કરનાર યુવરાજે ફાઇનલમાં પણ 60 રન બનાવ્યા હતા. ટ્રોફી જીત્યા બાદ યુવરાજે પોતાના ઇન્સ્ટાગ્રામ પર એક વીડિયો શેર કર્યો, જેમાં તે બાહુબલી સોંગ પર હોટલની અંદર જતો જોવા મળી રહ્યો છે. સોશ્યલ મીડિયા પર યુવીનો આ ડાન્સ વીડિયો ઘણો વાયરલ થઈ રહ્યો છે.
યુવરાજ ઉપરાંત અંતિમ મેચમાં યુસુફ પઠાણે પણ ફક્ત 36 બોલમાં 62 રનની બેટિંગ ઇનિંગ્સ રમી હતી જ્યારે બેટિંગમાં પણ તેની બોલિંગમાં બે વિકેટ ઝડપી હતી. યુવરાજે શેર કરેલા વીડિયોમાં હોટલનો સ્ટાફ તેમનું સ્વાગત કરતાં જોવા મળે છે અને ત્યાં હાજર લોકો જોર જોરથી તાળીઓ પાડી રહ્યા છે. આ પોસ્ટને શેર કરતાં યુવીએ કેપ્શનમાં લખ્યું કે, ‘તૂટેલો બાહુબલી’. ભારતે પહેલા બેટિંગ કરી હતી અને યુવરાજ અને યુસુફની ઇનિંગની મદદથી 20 ઓવરમાં 4 વિકેટના નુકસાન પર 181 રન બનાવ્યા હતા.
ભારત તરફથી 182 રનના મોટા લક્ષ્ય સામે શ્રીલંકાની શરૂઆત સારી રહી હતી. તિલકરત્ને દિલશાન અને સનથ જયસૂર્યાની જોડી પ્રથમ વિકેટ માટે 62 રન જોડીને ટીમને સારી શરૂઆત આપી. પણ છેવટે મેચ હારી ગઈ. ભારત તરફથી યુસુફ પઠાણ અને ઇરફાન પઠાણે બે વિકેટ લીધી હતી અને મનપ્રીત ગોની અને મુનાફ પટેલે એક-એક વિકેટ ઝડપી હતી અને ટીમને ટાઇટલ અપાવ્યું હતું.
View this post on Instagram