આંતરરાષ્ટ્રીય ક્રિકેટમાં સફેદ બોલના ફોર્મેટમાં સતત છ છગ્ગા ફટકારવાની સિદ્ધિ હાંસલ કરી છે. આ અનોખી યાદીમાં કેટલાક બેટ્સમેનોએ પોતાનું નામ નોંધાવ્યું છે. ભારતના યુવરાજ સિંહે T20 ઈન્ટરનેશનલ ક્રિકેટમાં સતત છ છગ્ગાનો રેકોર્ડ બનાવ્યો હતો.
યુવી સિવાય અન્ય કેટલાક બેટ્સમેનોએ પણ આ કારનામું ODI વર્લ્ડ કપ દરમિયાન કર્યું હતું. હવે નાના દેશના એક ક્રિકેટરે પણ સતત છ છગ્ગા ફટકાર્યા છે. તે ટી-20 ક્રિકેટમાં એક નહીં પરંતુ બે વખત આવું કરવામાં સફળ રહ્યો છે.
નેપાળના ખેલાડી દીપેન્દ્ર સિંહ એરીની વાત કરી રહ્યા છીએ, જેના બેટથી કતાર સામે એસસી પ્રીમિયર કપમાં સતત છ સિક્સર ફટકારવામાં આવી હતી. મહત્વની વાત એ છે કે તેણે આ ફોર્મેટમાં બે વખત છ છગ્ગાનો રેકોર્ડ બનાવ્યો છે. આ એક વર્લ્ડ રેકોર્ડ છે.
યુવરાજ અને કિરોન પોલાર્ડ પછી દીપેન્દ્ર T20 આંતરરાષ્ટ્રીય ક્રિકેટમાં સતત છ છગ્ગા ફટકારનાર ત્રીજો ક્રિકેટર બન્યો છે. આ સિદ્ધિ ODI ક્રિકેટમાં દક્ષિણ આફ્રિકાના હર્ષલ ગિબ્સ અને જસકરણ મલ્હોત્રાએ હાંસલ કરી છે. ટી20 ક્રિકેટમાં સૌથી ઝડપી ફિફ્ટીનો રેકોર્ડ પણ દીપેન્દ્રના નામે છે, જે તેણે મંગોલિયા સામે 9 બોલમાં ફિફ્ટી ફટકારીને બનાવ્યો હતો.
કતાર સામેની મેચમાં દીપેન્દ્રની શાનદાર ઇનિંગ્સના કારણે નેપાળનો સ્કોર 7 વિકેટે 210 રન સુધી પહોંચી ગયો હતો. તેણે માત્ર 21 બોલનો સામનો કરીને 64 રનની ઇનિંગ રમી હતી. વિશ્વ ક્રિકેટમાં છ બોલમાં સળંગ સિક્સર ફટકારવાનો રેકોર્ડ માત્ર કેટલાક બેટ્સમેનોએ જ બનાવ્યો છે.
Dipendra Singh Airee has etched his name in cricketing history with his extraordinary display of batting prowess, hitting six sixes on six balls. Well done#NepvQAT
6️⃣6️⃣6️⃣6️⃣6️⃣6️⃣
📍 AI Amerat Cricket Ground, Oman Cricket pic.twitter.com/PHHmmDAAdl— Basanta Ghimire (@basantaplp) April 13, 2024