ઝિમ્બાબ્વે સામેની હાર બાદ શાદાબ ખાન ઘૂંટણિયે બેસીને રડતો જોવા મળ્યો

ઝિમ્બાબ્વે સામેની હારે પાકિસ્તાન ક્રિકેટ ટીમને કેવી રીતે તોડી નાખી, તે તમે મેચ બાદ પાકિસ્તાની ખેલાડીઓના ચહેરા પરથી જોઈ શકો છો. ગુરુવારે ICC T20 વર્લ્ડ કપ 2022 માં ઝિમ્બાબ્વે સામે એક રનથી હાર પાકિસ્તાન માટે સેમિફાઇનલ રેસમાંથી કાર્ડ કાપી શકે છે.

ભારત સામેની નજીકની મેચમાં પાકિસ્તાન પહેલા ચાર વિકેટથી હારી ગયું અને પછી ઝિમ્બાબ્વેએ પાકિસ્તાનને એક રનથી હરાવ્યું. આ હાર બાદ વાઈસ કેપ્ટન શાદાબ ખાનનો એક અનસીન વીડિયો સામે આવ્યો છે.

આ વીડિયોમાં શાદાબ ડ્રેસિંગ રૂમ પાસે ઘૂંટણિયે બેસીને રડતો જોવા મળે છે. આ વિડિયો પાકિસ્તાનના ક્રિકેટ ચાહકો માટે ખૂબ જ દિલ તોડનારો છે. શાદાબ ખાને આ મેચમાં સારી બોલિંગ કરી હતી અને ચાર ઓવરમાં માત્ર 23 રન આપીને ત્રણ વિકેટ ઝડપી હતી.